Ashok Kharat Case Rupali Chakankar Latest News Update : राज्य महिला आयोगाच्या अध्यक्षा रुपाली चाकणकर फरार असल्याची पोस्ट रुपाली ठोंबरे पाटील यांनी सोशल मीडियावर केली आहे. या पोस्टनंतर राजकीय वर्तुळात खळबळ उडाली आहे. नाशिकमधील कॅप्टन खरात प्रकरणी मागील दोन दिवसांपासून रुपाली चाकणकर यांच्यावर मोठी टीका होत आहे. संजय राऊत, रूपाली ठोंबरे पाटील, सुषमा अंधारे यांनी चाकणकरांनी राजीनामा द्यावी, अशी मागणी केली होती. त्यातच आता रूपाली ठोंबरेनी चाकणकर फरार असल्याची पोस्ट केल्यामुळे एकच खळबळ उडाली आहे. या पोस्टचा नेमका अर्थ काय आहे? अशी चर्चा सुरू झाली आहे.

रूपाली पाटील ठोंबरे यांनी रूपाली चाकणकर यांना पुन्हा एकदा लक्ष केलेय. " राज्य महिला आयोगाच्या अध्यक्षा रूपाली चाकणकर फरार.बजाव टाली." अशी पोस्ट रूपाली पाटील यांनी केली आहे. या पोस्टमधून रूपाली पाटील यांनी खोचक दावा की खरेच चाकणकर गायब आहेत, अशी चर्चा पुण्यातील सोशल मीडियावर सुरू झाली आहे. गेल्या दोन दिवसापासून रुपाली चाकणकर या माध्यमांसमोर येत नसल्याने रूपाली ठोंबरे यांनी अशी पोस्ट केल्याचे बोलले जात आहे.

नाशिकमधील स्वयंघोषित कॅप्टन अशोक खरात (Ashok Kharat) याला पोलिसांनी बलात्काराच्या गंभीर गुन्ह्यात अटक झाली. त्यामुळे राजकीय वर्तुळात मोठी खळबळ उडाली. कॅप्टन खरातसोबत उपमुख्यमंत्री एकनाथ शिंदे, जलसंपदा मंत्री राधाकृष्ण विखे पाटील, आमदार दीपक केसरकर, महिला आयोगाच्या अध्यक्षा रुपाली चाकणकर यांचे फोटो समोर आलेत... एवढंच नाही तर रुपाली चाकणकर या खरातची पाद्यपुजा करत असल्याचा व्हिडीओही समोर आलाय. अशोक खरात आणि रुपाली चाकणकर यांचे विविध कार्यक्रमातील फोटो समोर आल्यानंतर त्यांच्या राजीनाम्याची मागणी होत आहे. रुपाली चाकणकरांच्याच पक्षातील नेत्या रुपाली पाटील-ठोंबरे यांनी सोशल मीडियावर केलेल्या पोस्टची चर्चा रंगली आहे. राज्य महिला आयोगाच्या रुपाली चाकणकर फरार...बजाव ताली...अशी पोस्ट रुपाली पाटील यांनी केली आहे.