मुंबई : राज्यात विविध ठिकाणी परतीच्या पावसाने अक्षरश: थैमान घातलं. अतिवृष्टीमुळे शेतकऱ्यांना मोठं नुकसान सहन करावं लागलं आहे. हातातोंडाशी आलेला घास पावसाने हिरावला. त्यामुळे शेतकऱ्यांना राज्य सरकारकडून मदतीची अपेक्षा आहे. राज्याचे विरोधी पक्षनेते अजित पवार (Ajit Pawar) यांनी आता राज्यात ओला दुष्कार जाहीर करण्याची मागणी केली आहे. राष्ट्रवादी काँग्रेसचे प्रदेशाध्यक्ष जयंत पाटलांनी देखील ओला दुष्काळ (Wet Drought) जाहीर करण्याची मागणी केली होती.

दिवाळी साजरी करत असताना वेदना होत होत्या. कारण अतिवृष्टीमुळे शेतकऱ्यांची अवस्था बिकट आहे. अनेक शेतकरी टोकाचे निर्णय घेत आहे. शेतकऱ्यांना मदत मिळावी यासाठी दिवाळी आधीच राज्याचे मुख्यमंत्री एकनाथ शिंदे आणि उपमुख्यमंत्री देवेंद्र फडणवीस यांची भेट घेऊन त्यांना निवेदन दिलं होतं, असं अजित पवार यांनी म्हटलं.   (Latest News Update)

मात्र खरीबाचं पिक गेलं त्यांनतर रबीचं पिक गेल्याने शेतकरी पुरता भरडला गेला आहे. ग्रामीण भागात शेतकरी वर्गात चिंतेचं वातावरण आहे. सोयाबिय, कापूस अशी पिकं उद्ध्वस्त झाली आहे. शेतीच्या नुकसानीचे अद्याच पंचनामे झाले नाही, असंही अजित पवारांनी म्हटलं.