Amruta Fadnavis News: उपमुख्यमंत्री देवेंद्र फडणवीस यांच्या पत्नी अमृता फडणवीस या पुणे दौऱ्यावर आहेत. या दौऱ्यादरम्यान त्यांनी एका कार्यक्रमाला हजेरी लावली. या कार्यक्रमानंतर अमृता फडणवीस यांनी पत्रकारांशी संवाद साधला. यावेळी अजित पवार मुख्यमंत्री झाले तर आवडेल का? यावर अमृता फडणवीस भाष्य केलं आहे. (Latest Marathi News)

अमृता फडणवीस (Amruta Fadnavis) यांनी पत्रकारांशी संवाद साधताना अजित पवारांवरील विविध प्रश्नांवर भाष्य केलं. अजित पवार मुख्यमंत्री झाले तर तुम्हाला आवडेल का? या पत्रकारांच्या वक्तव्यावर भाष्य करताना अमृता फडणवीस यांनी म्हटले की, 'मला कोणीही मुख्यमंत्री झाले तर आवडेल. महाराष्ट्रासाठी २४ तास झोकून देऊन काम करणारा कोणताही माणूस मला मुख्यमंत्री झालेला आवडेल'.

अजित पवारांच्या (Ajit Pawar) भाजप प्रवेशाच्या चर्चेवरही फडणवीस यांनी भाष्य केलं. 'अजित पवार जर भाजपमध्ये आले आणि त्यांनी भाजपमध्ये येऊन मुख्यमंत्री होण्याची इच्छा व्यक्त केली तर तुम्ही यावर काय म्हणाल? यावर भाष्य करताना अमृता फडणवीस म्हणाल्या, 'मला वाटतं की, महाराष्ट्र आपला असं राज्य आहे की, जे खूप काही करू शकतो आणि खूप काही करत आहे. यासाठी जो माणूस आपल्या जनतेसाठी जो पक्ष पुढे येतो. त्या पक्षाला न्याय देऊ शकेल असं वाटलं, तर ते चांगलं आहे, तो कोणीही असला तरी चालेल'.

देवेंद्र फडणवीस आणि अजित पवार यांच्या मैत्रीवर अमृता फडणवीस यांनी भाष्य केलं. दोघांची मैत्री खूप जवळची आहे का? यावर अमृता फडणवीस म्हणाल्या, 'ते त्या दोघांना जास्त माहिती आहे. राजकारणी लोक त्यांची मैत्री असते, अनेकदा डोळे मारतात, खूप ठिकाणी डोळे मारतात'. अमृता फडणवीसांनी मिश्किल उत्तर देत अजित पवारांना टोला लगावला.