• अजित पवार विमान अपघातावर सुप्रिया सुळे यांचं मोठं विधान

• अद्याप गुन्हा दाखल का केली नाही? असा सुप्रिया सुळे यांचा सवाल

• सुप्रिया सुळेंच्या वक्तव्यावर सुनेत्रा पवारांची प्रतिक्रिया

• अजित पवार यांच्या अपघाताचं राजकारण करू नका असे सुनेत्रा पवार म्हणाल्या

राज्याचे दिवंगत उपमुख्यमंत्री अजित पवार यांच्या विमान अपघातातील मृत्यूप्रकरणावरून राजकारण पुन्हा एकदा तापले आहे. खासदार सुप्रिया सुळे यांनी अजित पवार यांच्या विमान अपघातावरून राज्य सरकारला धारेवर धरले. अमित ठाकरे यांच्यावर तासाभरात गुन्हा दाखल होतो मग अजित पवार यांच्या विमान अपघाताप्रकरणी अद्याप गुन्हा का दाखल झाला नाही?, असा सवाल सुप्रिया सुळे यांनी केला. याच मुद्द्यावर बोलताना राज्याच्या उपमुख्यमंत्री सुनेत्रा पवार यांनी सुप्रिया सुळे यांना जोरदार प्रत्युत्तर दिले. अजितदादांच्या अपघाताचं राजकारण करू नका, असा टोला त्यांनी सुप्रिया सुळे यांना लगावला.

सुनेत्रा पवार यांनी पुण्यात माध्यमांशी संवाद साधताना सुप्रिया सुळे यांनी अजित पवार यांच्या विमान अपघाताप्रकरणी केलेल्या वक्तव्यावर प्रतिक्रिया दिली. त्यांनी सांगितले की, 'अजितदादांच्या जाण्याचं दुःख किती आहे? हे माझी मुले आणि माझ्यापेक्षा कुणाला जास्त माहिती असणार. अजितदादांच्या अपघाताचं राजकारण करू नका. आमचा तपास यंत्रणांवर विश्वास आहे. त्यांना ही आपण वेळ दिला पाहिजे.'

सुनेत्रा पवार यांनी अजित पवार यांच्या अपघाताच्या तपासाबाबत सांगितले की, 'अजितदादांची आई, दादांची मुलं आणि मी याच्यापेक्षा जास्त दुःख कुणाला कळणार? पंतप्रधान मोदी , अमित सिंह आणि देवेंद्र फडणवीस यांनी ही सभागृहात सांगितले आहे त्यांना ही आम्ही भेटलो आहे. सगळ्यांनाच वाटत आहे की काही तरी निर्णय आम्हाला पाहिजे आम्ही त्या दृष्टीने प्रयत्न करत शकतो. दादांच्या जाण्याचं राजकारण कुणीच करू नये असे मला वाटते. यामध्ये वारंवार मीडिया ट्रायल होत आहे का? असे मला वाटते. सतत मीडियामध्ये म्हणजेच अपडेट मिळणे असे नाही. लवकरात लवकर चौकशी व्हावी असे आम्हाला ही वाटते आम्ही तसे प्रयत्न करतो आहे.'