भरत मोहळकर, साम टीव्ही

मुंबई : विधानसभा निवडणुकीचा प्रचार शिगेला पोहचलाय..,रोज नवनवे आरोप-प्रत्यारोप होतायत....मात्र अजित पवारांनी पहाटेच्या शपथविधीच्या जुन्या मुद्यावर नवा मोठा गौप्यस्फोट केल्यामुळे राज्याच्या राजकारणात खळबळ उडालीय. 2019 मध्ये पहाटेच्या शपथविधीपूर्वी दिल्लीत झालेल्या बैठकीला अमित शाहांसह गौतम अदान आणि शरद पवारांनीही उपस्थिती लावल्याचा मोठा दावा अजित पवारांनी केलाय. नेमकं काय म्हणाले अजित पवार पाहूयात....

पहाटेच्या शपथविधीवर अजित पवारांचा गौप्यस्फोट?

राज्यात भाजप आणि राष्ट्रवादीचं सरकार आणण्यासाठी दिल्लीत 5 बैठका

बैठकीला पवार, अदानी, शाह, पटेल, फडणवीस हजर असल्याची माहिती

बैठकीत भाजपसोबत जाण्यासाठी चर्चा झाल्यानंतर सर्व ठरलं होतं

शरद पवारांनी नंतर निर्णय बदलल्याने सर्व दोष माझ्यावर आला

पहाटेच्या शपथविधीची संपूर्ण जबाबदारी मी घेतली आणि इतर नेत्यांना वाचवलं

अजित पवारांच्या गौप्यस्फोटानंतर खुद्द शरद पवारांनीच साम टीव्हीच्या ब्लॅक अँड व्हाईट एक्सक्लूसिव मुलाखतीत पहाटेचा शपथविधी, अमित शाह आणि अदानींसोबतच्या दिल्लीतल्या भेटीची इनसाईड स्टोरीच सांगितलीय.

एवढंच नव्हे तर उद्योगपतींच्या राजकारण्यांशी होणा-या भेटीगाठीवरही पवारांनी भाष्य केलं. उद्योगपतींच्या राजकीय निर्णय़ प्रक्रियेतला सहभाग मात्र त्यांनी फेटाळून लावला. सामच्या ब्लॅक अँड व्हाईट मुलाखतीत उद्योगपतींबाबत नेमकं काय सांगितलं ते पाहूयात...

मोदी सरकार अदानी आणि अंबानी हे उद्योगपती चालवत असल्याची टीका राहुल गांधी वारंवार करत असतात. त्यातच अजित पवारांच्या दाव्याने गांधींच्या दाव्याला पुष्टीच मिळाल्याची चर्चा यानिमित्तानं रंगलीय. त्यामुळे निवडणुकीच्या आधी अजित पवारांनी केलेला पहाटेच्या शपथविधीमागे अदाणी असल्याचा गौप्यस्फोट भाजपची अडचण वाढवणारा ठरणार की पवारांची कोंडी करणारा? हे आता निकालानंतरच स्पष्ट होणार आहे.