Worli Bandh : महापुरूषांबाबतच्या वादग्रस्त विधानाचं प्रकरण आता दिवसेंदिवस चिघळत चाललं आहे. पुण्यापाठोपाठ (Pune) आता मुंबईतील वरळीतही (Waroli) बंदची हाक देण्यात आली आहे. सकाळी ७ ते संध्याकाळी ६ वाजेपर्यंत वरळीत बंद पाळण्याचं आवाहन सर्व आंबेडकरवादी तसेच इतर संघटनांनी केलं आहे. आज वरळीत सर्व दुकानं बंद ठेवून आंदोलन करण्यात येणार आहे. कोणताही अनुचित प्रकार घडू नये यासाठी ठिकठिकाणी पोलिसांचा मोठा बंदोबस्त तैनात करण्यात आला आहे.

छत्रपती शिवाजी महाराज, डॉ. बाबासाहेब आंबेडकर यांच्यासारख्या महापुरुषांबद्दल केलेल्या अपमानास्पद वक्तव्याविरोधात आज वरळीत बंद पाळण्यात येणार आहे. आंबेडकरवादी आणि इतर संघटनांकडून हा बंद पुकारण्यात आला आहे. सकाळी ७ ते सायंकाळी ६ या वेळेत केला जाणार आहे. तसेच कोणताही गोंधळ होऊ नये, यासाठी पोलिसांकडून कडेकोट बंदोबस्त ठेवण्यात येणार आहे.

छत्रपती शिवाजी महाराज, शाहू महाराज आणि बाबासाहेब आंबेडकर यांचा अपमान करणाऱ्या शिंदे फडणवीस सरकार विरोधात आज वारळी बंदची हाक पुकारण्यात आली आहे. तसेच १७ तारखेला महाविकास आघाडीकडून आंदोलन केलं जाणार आहे. दरम्यान, वरळी परिसर हा आदित्य ठाकरे यांच्या मतदारसंघात येतो. त्यामुळे या वरळी बंदच्या पार्श्वभूमीवर आंदोलन केल्यास आदित्य ठाकरे या आंदोलनात सहभागी होण्याची शक्यता वर्तवण्यात येत आहे.

Edited By - Shivani Tichkule