पुणे - जी.ए. सॉफ्टवेअर टेक्नॉलॉजीचा संचालक डॉ. प्रीतीश देशमुख यांच्या घरातून २०१९ व २०२१ च्या पोलीस भरती परीक्षेतील तीन विद्यार्थ्यांची ओळखपत्रे पुणे पोलिसांच्या हाती लागली आहे. त्यामुळे आता म्हाडा, टीईटीपाठोपाठ पोलीस भरतीही संशयाच्या भोवऱ्यात आहे.याआधी देखील त्यांच्या घरी टीईटी परीक्षांची अपात्र परीक्षार्थींची ओळखपत्रे, हाॅलतिकीट सापडले होते. यामुळे पोलीस भरती परीक्षेतील मोठा गैरव्यवहार चव्हाट्यावर येण्याची शक्यता वर्तवण्यात येत आहे.

हे देखील पहा -

जी.ए. साॅफ्टवेअर टेक्नाॅलाॅजी कंपनीने राज्यात काेल्हापूर, नागपूर, अमरावती, मुंबई, पुणे, ठाणे, पिंपरी-चिंचवड, नवी मुंबई, साेलापूर आदी ठिकाणी पोलीस भरती परीक्षा घेतल्या आहेत.पुण्यासह काही ठिकाणी पाेलिसांनी परीक्षा पद्धतीवर डोळ्यात तेल घालून लक्ष ठेवल्याने गैरकारभारास वाव मिळाला नाही. मात्र इतर काेणत्या ठिकाणी गैरप्रकार झाला का, याबाबत पोलीस तपास करणार आहेत.

Edited By - Shivani Tichkule