सांगली: जनाब संजय राऊत तुम्हाला उत्तरप्रेदश व गोवा येथील निवडणूकीत नोटा पेक्षाही कमी मत मिळाले आहेत, आणि आदित्य ठाकरे यांना देशपातळीवर लाँच करून त्यांचा पार फज्जा उडविला आहे. कदाचित ज्यापद्धतीने काकांनी राहुल गांधींना टोपन नाव मिळवून दिले आहे. तशीच काही तुमची सुप्त इच्छा आदित्य बाबत दिसते का? अशी टीका भाजप आमदार गोपीचंद पडळकर यांनी केली आहे. ते सांगलीच्या झरेमध्ये बोलत होते.

हे देखील पहा-

राऊत तुमच्या माहिती करिता जेंव्हा लाल चौकात पाक आंतकवाद्यांनी कोई मा का लाल तिरंगा लहराके दिखाये, अशा धमक्या देण्याचे पोस्टर्स लावले होते. त्यावेळेस नरेंद्र मोदीजींनी धमक्यांना न जुमनता लाल चौकात तिरंगा फडकवून दाखवला होता. तसेच राऊत अजूनही उर्जामंत्र्यांच्या आश्वासनानंतर सुद्धा शेतकऱ्यांची वीज कापली जात आहे. त्यामुळे शेतकरी आत्महत्या करण्यास प्रवृत्त होतोय.

यावर कधीतरी एखादा लेख लिहा. जनाब राऊत तुम्ही वाय सुरक्षेबाबत लेख लिहता पण माझे तुम्हाला खुले आव्हान आहे. माझ्यासारखी कुठलीही सुरक्षा न स्वीकारता महाराष्ट्रात फिरवून दाखवा, म्हणजे शेतकऱ्यांचे तुमच्यावरती किती प्रेम आहे. याची तुम्हाला खरी प्रचिती येईल.

Edited By- Digambar Jadhav