Maval News : मावळ तालुक्यातील सतरा ग्रामपंचायतीवर प्रशासक असलेल्या विस्तार अधिकाऱ्याला लाचलुचपत विभागाने चाळीस हजारांची लाच घेताना रंगेहाथ पकडले. ही कारवाई गुरुवारी करण्यात आली आहे. (Latest Marathi News)

मावळ पंचायत समितीच्या कार्यालयात ही कारवाई करण्यात आली आहे. अंकुश किसन खांडेकर असं अटक केलेल्या विस्तार अधिकाऱ्याचे नाव आहे. या कारवाईनंतर शासकीय कार्यालयांमध्ये एकच खळबळ माजली.

अंकुश खांडेकर हे मावळ तालुक्यातील सतरा ग्रामपंचायतीवर प्रशासक म्हणून काम पाहत आहेत. दरम्यान लोहगड गावात सोलर प्रकल्प राबविण्याच्या कामाची वर्क ऑर्डर काढण्यासाठी त्यांनी संबंधित ठेकेदाराला लाच (bribe) मागितली.

याबाबत संबंधित व्यक्तीने लाचलुचपत प्रतिबंधक पुणे विभागाकडे तक्रार केली होती. त्या अनुषंगाने लाचलुचपत विभागाच्या अधिकाऱ्यांनी सापळा लावून विस्तार अधिकाऱ्याला अलगद पकडले आहे.

Edited By : Siddharth Latkar