प्राची कुलकर्णी

पुणे - सासवड (Saswad) रस्त्यावर बाप-लेकीचा जागीच मृत्यू झाल्याची धक्कदायक घटना घडली आहे. शाळेत सोडविण्यासाठी जात असताना त्यांचा अपघात झाला. पुणे-सासवड (Pune) रोडवर मुलीला शाळेत सोडविण्यासाठी जात असताना ट्रकच्या धडकेत वडिलांचा मृत्यू झाला. तर मुलीला उपचारासाठी घेऊन जात असताना तिचा दुर्दैवी मृत्यू झाला.

हा अपघात सकाळी सात वाजण्याच्या सुमारास ग्लायडिंग सेंटर समोर सातववाडी येथे घडला आहे. नीलेश साळुंखे (वय ३५, रा. ढमाळवाडी, फुरसुंगी) आणि मीनाक्षी साळुंखे (वय १०) अशी अपघातात मृत्यू झालेल्याची नवे आहे. मीनाक्षी ही साधना विद्यालयामध्ये इयत्ता पाचवीमध्ये शिकत असल्याची माहिती समोर येत आहे.

हे देखील पाहा -

आपल्या मुलीला सोडण्यासाठी निखील साळुंखे हे फुरसुंगीहून हडपसरच्या दिशेने आपल्या दुचाकीवरून चालले होते. ग्लायडिंग सेंटर इथं पोहोचले असताना पाठीमागून आलेल्या एका भरधाव ट्रकने दुचाकीला जोरदार धडक दिली. ट्रकची धडक बसल्यामुळे निखील साळुंखे हे खाली पडले आणि ट्रकच्या चाकाखाली येऊन त्यांचा जागीच मृत्यू झाला. तर मुलगी मीनाक्षीला देखील गंभीर दुखापत झाली होती.

स्थानिक नागरिकांनी तिला तातडीने उपचारासाठी नजीकच्या रुग्णालयात उपचारासाठी घेऊन जात असताना तिचा मृत्यू झाला. या प्रकरणी ट्रकचालक दिलीप कुमार पटेल याला हडपसर पोलिसांनी अटक केली आहे. या प्रकरणी ट्रक चालक दिलीप कुमार पटेल याला हडपसर पोलिसांनी अटक केली आहे.