बेलापूर : घरात घरकाम करणाऱ्या मोलकरणीला मारहाण करत जातिवाचक शिवीगाळ केल्याप्रकरणी सहायक पोलीस निरीक्षक (Assistant Police Inspector) आणि त्याच्या पत्नीविरोधात अॅट्रोसिटी (Atrocity) अंतर्गत गुन्हा दाखल झाला आहे. नवी मुंबईतल्या सीबीडी बेलापूर (CBD belapur) पोलीस ठाण्यात हा गुन्हा दाखल करण्यात आला आहे. संदीप पाटील आणि पत्नी रुचा पाटील असं गुन्हा दाखल झालेल्या दाम्पत्याचे नाव आहे. जातिवाचक शिवीगाळ करून मारहाण केल्याबाबत हा गुन्हा दाखल करण्यात आला आहे. (Case Of Atrocity Has Been Registered Against Assistant Police Inspector And His Wife in)

माहितीनुसार, मोलकरीण महिला पोलीस निरीक्षका संदीप पाटील यांच्या घरी घरकाम करत होती. मात्र अधिकचे काम असल्याने तिने 6 महिन्यांपूर्वी काम सोडले होते. अशातच मोलकरणीच्या मुलाकडून नकळत संदीप पाटील यांच्या घरी फोन लागला. यावरून पाटील यांनी मोलकरणीसह तिच्या पतीला फोन करून शिवीगाळ केली. यासोबतच रात्री राहत्या घरी येऊन जातिवाचक शिवीगाळ करून मारहाण केली.

याप्रकरणी सीबीडी पोलीस ठाण्यात सहायक पोलिस निरीक्षक संदीप पाटील यांच्यासह त्यांची पत्नी रुचा पाटील यांच्यावर अॅट्रोसिटी अंतर्गत गुन्हा दाखल करण्यात आला आहे. मोलकरणीने अधिकच्या कामाला नकार देत काम सोडले होते. त्याच्या रागातून पाटील यांनी ही मारहाण केल्याचं पीडितेकडून सांगण्यात आलं आहे. तसेच पीडितेच्या मुलाकडून चुकीने फोन लागल्याच्या कारणातून हा सर्व प्रकार घडला आहे.

Edited By - Satish Daud