गुण वाढवून देण्याच्या बहाण्याने विद्यार्थिनीकडे शरीर सुखाची मागणी केल्याची घटना उघडकीस आल्यानंतर या प्रकरणी गनिमी कावा संघटनेने महाविद्यालयात घुसून राडा घातला, या प्रकरणी संघटनेवर कोरोना नियम न पाळल्याप्रकरणी गुन्हा दाखल करण्यात आला आहे.

या प्रकरणी येरवडा येथील 57 वर्षीय व्यक्तीने विश्रामबाग पोलीस ठाण्यात तक्रार दिली आहे. त्यानुसार गनिमी कावा संघटनेचे अध्यक्ष व त्यांच्या 7 ते 8 कार्यकर्त्यांवर गुन्हा दाखल करण्यात आला आहे,  भादवी कलम 323, 504, 355, 188, 143, 147, 149 व आपत्ती व्यवस्थापन कायदा यासोबतच महाराष्ट्र पोलीस अधिनियमाअंतर्गत गुन्हा नोंदवला आहे.

या महाविद्यालयातील अभिजित पवार या क्लार्कने एका विद्यार्थिनीकडे गुण वाढवून देण्याच्या बहाण्याने शरीर सुखाची मागणी केली होती.  तिने हा प्रकार महाविद्यालयातील वरीष्ठ अधिकाऱ्याला सांगितला होता, गनिमी कावा संघटनेला सदर घटनेची माहिती मिळताच संघटनेच्या कार्यकर्त्यांनी महाविद्यालयात राडा घातला, या प्रकरणी अधिक तपास विश्रामबाग पोलीस करत आहेत.

Edited by Ashwini jadhav kedari