Pune Crime Saam TV
मुंबई/पुणे

Pune Crime : १७ वर्षीय मुलीवर आजोबा, काका, वडिलांकडून ६ वर्ष अत्याचार; नात्याला काळीमा फासणारी घटना

विद्येचं माहेरघर म्हणून ओळखल्या जाणाऱ्या पुणे शहरात नात्याला काळीमा फासणारी घटना घडली आहे.

साम टिव्ही ब्युरो

Pune Crime News : विद्येचं माहेरघर म्हणून ओळखल्या जाणाऱ्या पुणे (Pune) शहरात नात्याला काळीमा फासणारी घटना घडली आहे. पुण्यात आजोबा, चुलता आणि वडिलांकडून एका १७ वर्षीय मुलीवर सलग सहा वर्षांपासून अत्याचार केला जात असल्याचा प्रकार उघडकीस आला. पीडित मुलीने कॉलेजमधील समुपदेशन तासाच्यावेळी आपल्यासोबत घडलेला प्रकार कथन केला.

पीडित मुलीने सांगितलेला घटनाक्रम ऐकून समुपदेशकांच्या पायाखालची जमीन सरकली. त्यांनी या सर्व प्रकाराची माहिती तातडीने पोलिसांना दिली. पीडित मुलीचे तक्रारीवरून पोलिसांनी आरोपी आजोबा, काका आणि वडिलांवर अत्याचाराचा गुन्हा (Crime News) दाखल केला आहे. विश्रांतवाडी पोलिसांनी नराधम बापाला बेड्या देखील ठोकल्या आहेत.

पोलिसांनी दिलेल्या माहितीनुसार, पीडित मुलीचे आई-वडील मोलमजुरी करतात. पीडितेच्या घरची परिस्थिती हलाकीची असल्याने त्यांनी फिर्यादीला उत्तर प्रदेशातील आपल्या मुळ गावी राहायला पाठविले. २०१६ ते २०१८ या काळात ही मुलगी साधारण १२ -१३ वर्षाची असताना मुळगावी तिच्या चुलत्याने तिला दमदाटी करुन एक वर्षभर तिच्याबरोबर वारंवार अत्याचार केले.

यावेळी ७० वर्षांच्या आजोबांनी देखील तिच्याशी शारिरीक संबंध ठेवले. एप्रिल २०१८ मध्ये पीडिता पुण्यात परतल्यानंतर तिने या अत्याचाराची माहिती चिठ्ठी लिहून वडीलांना कळविली. मात्र, वडीलांनी सुद्धा तिच्यावर अत्याचार केले. गेल्या अनेक वर्षांपासून पीडिता हे अत्याचार सहन करत होती. दरम्यान, पीडितेने तिच्या कॉलेजमधील एका कार्यक्रमात आपल्यासोबत घडलेला घटनाक्रम सांगितला.

पीडितेसोबत घडलेली घटना एकून समुपदेशकानाही धक्का बसला. त्यांनी या सर्व प्रकाराची माहिती पोलिसांना दिली. याप्रकरणी पीडित मुलीने दिलेल्या फिर्यादीनुसार, आरोपींविरोधात विश्रांतवाडी पोलिसांनी गुन्हा दाखल केला आहे. गुन्हा दाखल होताच, पोलिसांनी आरोपी नराधम बापास अटकही केली आहे.

Edited By - Satish Daud

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Narayan Rane: मोठी बातमी! नारायण राणे जसलोक रुग्णालयात दाखल, नेमकं कारण काय?

Nanded Accident : गणेश भक्तांवर काळाचा घाला; भीषण अपघातात ३ जण जागीच ठार

Mumbai Konkan Ro Ro Ferry : तळकोकणात पोचा अवघ्या पाच तासात; आता मुंबई ते विजयदुर्ग रो-रो सेवा, VIDEO

Numerology: सप्टेंबर महिना 'या' मूलांकासाठी ठरेल लकी, स्वप्न होतील पूर्ण

Netflix Trending Films: नेटफ्लिक्सवर ट्रेंड होताहेत 'हे' सुपरहिट चित्रपट; भारतीय सिनेमाचांही समावेश, वाचा यादी

SCROLL FOR NEXT