पुणे - अजित पवार AJit Pawar , पुण्यातील Pune काही आमदार आणि प्रशासकीय अधिकारी यांच्या उपस्थितीत मुंबईमध्ये काल एक बैठक पार पडली. या बैठकीत पुणे महानगरपालिकेत Municipal Corporation २३ गावांचा समावेश करण्यात यावा यावर शिक्कामोर्तब करण्यात आला आहे. या निर्णयानंतर पुणे महापालिका ही राज्यातील सर्वात मोठे क्षेत्रफळ असणारे महापालिका ठरणार आहे. निवडणुकीच्या Election पार्श्वभूमीवर हा राष्ट्रवादीचा मोठा निर्णय असल्याचे बोलले जात आहे. मात्र या निर्णयानंतर पुणे महापालिकेत सत्ताधारी भाजप आणि विरोधी पक्ष असलेल्या राष्ट्रवादी कॉंग्रेसमध्ये जोरदार श्रेयवादाची लढाई सुरु झाल्याचे चित्र दिसून येत आहे. 23 villages included in Pune Municipal Corporation

म्हाळुंगे, सूस, बावधन बुद्रुक, किरकिटवाडी, पिसोळी, कोंढवे-धावडे, कोपरे, नांदेड, खडकवासला, मांजरी बुद्रुक, नर्हे, होळकरवाडी, औताडे-हांडेवाडी, वडाची वाडी, शेवाळेवाडी, नांदोशी, सणसनगर, मांगडेवाडी, भिलारेवाडी, गुजर निंबाळकरवाडी, जांभूळवाडी, कोळेवाडी आणि वाघोली या २३ गावांचा पुणे महापालिकेत समावेश करण्यात आला आहे.

२३ गावांचा समावेश झाल्यामुळे आता पुणे महापालिका राज्यातील सर्वात मोठी महापालिका ठरणार आहे. त्यामुळे आता पुणे महापालिकेचे क्षेत्रफळ हे ५१८ चौरस किलोमीटर इतके होणार आहे. लोकसंख्येच्या बाबतीत मुंबई सर्वात मोठी महापालिका असली तरी आकाराने पुणे महापालिका सर्वात मोठी होणार आहे. त्याचबरोबर पुण्याच्या लोकसंख्येतही १० ते १२ लाखांची भर पडणार आहे. 23 villages included in Pune Municipal Corporation

२३ गावांचा महानगरपालिकेत समावेश झाल्यानंतर आता पुणे महापालिकेत सत्ताधारी पक्ष भाजप आणि विरोधी पक्ष असलेल्या राष्ट्रवादी काँग्रेसमध्ये जोरदार खडाजंगी होणार आहे. या गावांच्या समावेशासोबतच राज्य सरकारने या गावांच्या विकासासाठी १० हजार कोटी रुपये द्यावेत अशी मागणी भाजपची आहे. तर भाजप सरकारने त्यांच्या ५ वर्षांच्या कार्यकाळात ही गावे समाविष्ट न केल्याने या गावांच्या विकास आराखड्यासाठी लागणाऱ्या निधीत मोठ्या प्रमाणात वाढ झाल्याचा राष्ट्रवादी कॉंग्रेसने आरोप केला आहे.

२३ गावांचा पुणे महानगरपालिकेत समावेश झाल्याने या नागरिकांना मूलभूत सुविधा पुरविण्याचे मोठे आव्हान पालिका प्रशासनासमोर उभे आहे. तीन वर्षांपूर्वी ११ गावांचा महानगरपालिकेत समावेश करण्यात आला होता. तेथील नागरिकांना आतापर्यंत मूलभूत सुविधा पुरवण्यात आल्या नाही, असे असताना या २३ गावातील नागरिकांचा विचार महापालिका प्रशासन खरंच करेल काय असा प्रश्न ग्रामस्थांकडून विचारला जात आहे.

Edited By - Shivani Tichkule