मुंबई : येथे कोरोनाच्या दैनंदिन रुग्णसंख्येत (Mumbai corona update) होणारी वाढ चौथ्या लाटेला आमंत्रण करणारी असल्याने नागरिकांची चिंता वाढली आहे. गेल्या काही दिवसांपासून नव्या कोरोना रुग्णसंख्येत मोठी वाढ होत आहे. दिवसेंदिवस वाढणाऱ्या कोरोनाच्या रुग्णसंख्येमुळं नागरिकांचे आरोग्य धोक्यात आलं आहे.आजही मुंबईतील कोरोनाच्या रुग्णसंख्येत लक्षणीय वाढ झाली आहे. मुंबईत कोरोनाचे १८०३ नवे (Corona new patients) रुग्ण आढळले आहेत.

मुंबई महापालिकेने दिलेल्या माहितीनुसार, मु्ंबईत आज दिवसभरात कोरोनाचे नवे १८०३ रुग्ण सापडले आहेत. त्यामुळे मुंबईतील आजपर्यंतचा कोरोना बाधितांचा आकडा १०८०७४७ वर पोहोचला आहे. आज दोन रुग्णांचा मृत्यू (corona death) झाल्याने कोराना मृतांची संख्या १९५७३ वर पोहोचली आहे. दरम्यान, मुंबईत आज १११ कोरोना रुग्णांना रुग्णालयात दाखल केले आहे. तर ९५९ रुग्ण हे कोरोनातून बरे होऊन घरी परतले आहेत.

त्यामुळे कोरोनातून बरे झालेल्या रुग्णांची एकूण संख्या १०५०२८५ एवढी झाली आहे. कर बरे झालेल्या रुग्णांचा दर ९७ टक्क्यांवर पोहोचला आहे. दरम्यान, मुंबईत कोरोनाचे एकूण १०८८९ सक्रिय रुग्ण आहेत. त्यामुळे कोरोनाच्या रुग्ण दुपटीचा दर ५१३ दिवसांवर पोहोचला आहे. तसेच कोविड वाढीचा दर (५ जून- ११ जून) ०.१३३% एवढा झाला आहे.

Edited By - Naresh Shende