मुंबई : १० वी आणि १२ वीच्या विद्यार्थ्यांना (students) क्रीडास्पर्धेत सहभागाच्या आधारावर सवलतीचे गुण आता मिळणार आहे. शालेय शिक्षण मंत्री वर्षा गायकवाड (Varsha Gaikwad) यांनी ही माहिती दिली आहे. कोविड-१९ (Covid-19) मुळे उद्भवलेल्या असामान्य परिस्थितीमुळे शालेय विद्यार्थ्यांचे नियमित शिक्षण बाधित होऊ नये, याकरिता शालेय शिक्षण विभागाने (Education Department) विविध उपाययोजना केले आहेत. (10th and 12th class students will get discounted sports marks Varsha Gaikwad)

हे देखील पहा-

कोरोनाचा (Corona) प्रादुर्भाव कमी होत असल्याच्या पार्श्वभूमीवर १० वी आणि १२ वीच्या विद्यार्थ्यांच्या परीक्षा ऑफलाईन (Offline) घेण्यात येणार आहेत. माध्यमिक शालांत प्रमाणपत्र (Certificate) परीक्षेस प्रविष्ठ विद्यार्थ्यांच्या विषयी इयत्ता ७ वी इयत्ता ८ वीमध्ये विद्यार्थ्यांचा क्रीडास्पर्धेत सहभाग विचारात घेऊन त्यांना सन २०२१-२२ या वर्षाकरिता सवलतीचे क्रीडा गुण देण्यात येणार आहेत.

तसेच इयत्ता १२ वी परीक्षेस प्रविष्ठ विद्यार्थ्यांच्या बाबतीत इयत्ता ९ वी आणि १० वी मधील विद्यार्थ्यांचा क्रीडा (Sports) स्पर्धेत सहभाग विचारात घेऊन सन २०२१-२२ करिता सवलतीचे क्रीडा गुण देण्यात येणार आहेत, असे निर्देश राज्य माध्यमिक व उच्च माध्यमिक शिक्षण मंडळाच्या सचिवांना देण्यात आल्याचे मंत्री प्रा.वर्षा गायकवाड यांनी यावेळी सांगितले आहे.

ही सवलत केवळ सन २०२१-२२ च्या परीक्षेकरिता राहणार असल्याचे त्यांनी स्पष्ट केले आहे. याची माहिती मंत्री प्रा.वर्षा गायकवाड यांनी ट्विट करून माहिती दिली आहे.

Edited By- Digambar Jadhav