Azaad Teaser Out : अजय देवगणच्या 'आझाद' या चित्रपटाचा टीझर ५ नोव्हेंबरला रिलीज झाला आहे. एकीकडे अजयचे चाहते त्याच्या सिंघम अगेन चित्रपटाचा थिएटरमध्ये आनंद घेत आहेत, तर दुसरीकडे त्याच्या चित्रपटाच्या घोषणेने त्यांचा आनंद आणि उत्सुकता द्विगुणित झाली आहे. चित्रपटाची कथा एका धाडसी आणि निष्ठावान घोड्यावर केंद्रीत असल्याचे टीझरमध्ये पाहायला मिळते.
जानेवारी 2025 मध्ये 'आझाद' चित्रपटगृहात प्रदर्शित होणार आहे. टीझरमध्ये अजय देवगण ब्रिटिशांना सामोरे जाताना दिसत आहे. अनेक दृश्यांमध्ये तो धोकादायक ॲक्शन करतानाही दिसत आहे. अभिनेत्री रवीना टंडनची मुलगी रशा थडानी आणि अजय देवगणचा भाचा अमन देवगन हे दोघेही या चित्रपटात महत्त्वाच्या भूमिकेत दिसणार आहेत.
टीझर रिलीज झाल्यानंतर चाहत्यांनी भरभरून प्रेमाचा वर्षाव केला आहे. 'आझाद'च्या टीझरमध्ये अजय देवगण जबरदस्त ॲक्शन करताना दिसत आहे, तर त्याच्यासोबत त्याचा भाचा अमन देवगणही चांगला अभिनय करताना दिसत आहे. हा चित्रपट अभिषेक कपूरने दिग्दर्शित केला आहे. अभिनेता अजय देवगणनेही त्याच्या सोशल मीडियावर टीझर शेअर केला आहे.
2024 प्रमाणेच 2025 मध्ये देखील अजय देवगण त्याच्या चाहत्यांना आगळीवेगळी भेट देणार आहे. या अभिनेत्याचा सिंघम अगेन नुकताच रिलीज झाला आहे. या चित्रपटाने अवघ्या 4 दिवसांत 140 कोटींचा गल्ला जमवला आहे. दरम्यान, त्याने याआधीच आगामी चित्रपटाच्या नावाची घोषणा केली आहे. दुसरीकडे, मंगळवारीच अजय देवगणने चाहत्यांना या चित्रपटाची एक आनंदाची बातमी दिली आहे. या चित्रपटाच्या टीझरलाही चाहत्यांनी पसंती दिली आहे.
Edited By - Dhanshri Shintre
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.