- लक्ष्मण साेळूंके

Jalna Maratha Reservation : युवराज संभाजीराजे छत्रपती यांनी आज (शनिवार) सकाळच्या सुमारास जालना येथील अंतरवाली सराटी (antarwali sarathi news) येथे मराठा समाज आरक्षणासाठी उपोषणास बसलेल्या आंदाेलकांची भेट घेतली. यावेळी राजेंनी (yuvraj sambhajiraje chhatrapati latest marathi news) शुक्रवारी घडलेल्या घटनेबाबतची सविस्तर माहिती आंदाेलकांकडून घेतली. (Maharashtra News)

मराठा आरक्षणाच्या मागणीसाठीच्या आंदोलनाला जालना येथे हिंसक वळण लागल्यानंतर त्याचे पडसाद आज राज्यभरात उमटू लागले आहेत. राज्यातील सकल मराठा समाज आक्रमक झाला आहे. आज बीड जिल्ह्यात कडकडीत बंद पाळण्यात येत आहे.

दरम्यान आज सकाळी अंतरवाली सराटी येथे युवराज संभाजीराजे छत्रपती यांनी आंदाेलकांची भेट घेतली. पोलिसांनी महिलांना अमानुषपणे मारहाण केल्याची किफायात महिलांकडून राजेंकडे करण्यात आली. आम्ही आतंकी, किंवा पाकिस्तानी आहेत का? पायाने तुडवून पोलिसांनी आमच्यावर अत्याचार केल्याचा गंभीर आराेपही महिलांना पाेलिसांवर केला.

निजाम आणि इंग्रजांचा वारसा चालवणाऱ्या फडणवीस- शिंदे सरकारने आरक्षण मागणाऱ्या मराठ्यांवर अत्याचार केल्याचा आरोप आंदोलकांनी केला. हा हल्ला म्हणजे महाराष्ट्रातील मराठ्यांवर हल्ला असल्याचे आंदोलकांनी म्हटले. यावेळी आंदाेलकांकडून मनाेज जरांगे पाटील (manoj jarange patil) यांनी देखील घटनेची माहिती राजेंना दिली.

Edited By : Siddharth Latkar