अरुण जोशी

अमरावती - महानगर पालिकेच्या क्षेत्रात सध्या सर्वीकडे घाणीचे साम्राज्य पसरलेले आहे. त्यामुळे जिल्ह्यात डेंग्यू आणि मलेरियाचे आजार पसरत आहे. तर डेंग्यू Dengue मुळे जिल्ह्यात आजपर्यंत अनेकांना आपला जीव सुद्धा गमवावा लागला आहे. मात्र महानगर पालिकेने शहरात फवारणी सुरु केली असली तरी अनेक भागात अजूनही घाणीचे साम्राज्य आहे. त्यामुळे युवा स्वाभिमान पक्षाच्या कार्यकर्त्यांनी आज महानगर पालिकेच्या मुख्य प्रवेश द्वारावर शहरातील कचरा आणून टाकला.

हे देखील पहा -

येत्या ८ दिवसात अमरावती शहरात पूर्णपणे स्वछता न झाल्यास अधिकाऱ्यांच्या अंगावर सुद्धा कचरा टाकायला मागे पुढे बघणार नाही असा इशारा सुद्धा यावेळी देण्यात आला आहे. यावेळी युवा स्वाभिमान पार्टीचे विद्यार्थी स्वाभिमान जिल्हा अध्यक्ष अनूप अग्रवाल, गणेश मरोडकर, स्वाभिमान हेल्प लाइनचे शहर अध्यक्ष सद्दाम हुसैन, नितिन सोलंके ,अमोल काळे, पवन भोयर,सचिन बोंडे,अवि जगदाळे,मोहन एखंडे सह अमरावती बडनेराचे पदाधिकारी व कार्यकर्ते उपस्थित होते.

Edited BY - Shivani Tichkule