पंढरपूर : शेतातील विद्युत पंप सुरू करताना विजेचा धक्का बसून एका युवकाचा (youth) जागीच मृत्यू झाला आहे. ही दुर्दैवी आणि मन हेलावणारी घटना पंढरपूर (pandharpur) पासून जवळ असलेल्या शेगावदुमाला येथे आज (रविवार) पहाटेच्या सुमारास घडली. किरण लामकाने (वय २२) असे मृत युवकाचे नाव आहे. (pandharpur latest marathi news)

किरण हा लहानपणापासून हुशार होता. त्याने नुकतीच पंढरपूरच्या एका अभियांत्रिकी महाविद्यालयात अभियांत्रिकीची पदवी घेतली होती. घरची आर्थिक परिस्थिती अत्यंत नाजूक असताना आई (mother) वडिलांनी शेतात काम करून त्याचे शिक्षण पूर्ण केले होते.‌

आठ दिवसापूर्वीच किरण यास एका कंपनीत नोकरी मिळाली‌ होती. परंतु नोकरीवर जाण्यापूर्वीच त्याचा मृत्यू झाला. या घटनेने ग्रामीण भागात हळहळ व्यक्त केली जात आहे.

Edited By : Siddharth Latkar