सांगली: केंद्रीय मंत्री नितीन गडकरी यांची राष्ट्रवादीचे (NCP) युवा नेते रोहित पाटील (Rohit Patil) यांनी दिल्लीत भेट घेतली. या भेटीनंतरचा अनुभव रोहित पाटील यांनी सोशल मीडियावर शेअर केला. "दिल्ली (Delhi) मध्ये महाराष्ट्र असणं गरजेचं आहे. या वाक्याची प्रचिती आली आणि रोहित तू बिंदास्त जा तू सांगितलेलं काम झालं असं समज" हे वाक्य धीराचे होते, असे रोहित पाटील यांनी गडकरीच्या भेटीनंतर सोशल मीडियावर (Social media) या भेटीचा अनुभव शेअर केला आहे. त्याचबरोबर कवठेमहांकाळ नगरपंचायती बाबत माहिती घेऊन तिथे मिळालेल्या यशाबद्दल आपले अभिनंदन केल्याचे रोहित पाटील यांनी सांगितले आहे.

हे देखील पहा-

कवठेमहांकाळ तालुक्यातील विठ्ठलवाडी (नागज- सांगोला महामार्ग ) येथे ब्रीज अंडरपास उपलब्ध करून दिला जावा आणि सदरचा रस्ता हा राष्ट्रीय महामार्ग (National Highways) म्हणून ग्राह्य केला जावा अशी विनंती रोहित पाटील यांनी केंद्रीय मंत्री नितीन गडकरी (Nitin Gadkari) यांना दिल्लीत भेट घेऊन केली. यावेळी गडकरी यांनी या कामांसाठी त्यांनी सकारात्मक दृष्टीने निर्देश देत लवकरच हे दोन्ही काम होतील अशी हमी दिली. त्याचबरोबर साहेबांनी कवठेमहांकाळ नगरपंचायती बाबत माहिती घेऊन अभिनंदन केले आहे.

केवळ भाजपच नाही तर विरोधी पक्षातील नेतेही नितीन गडकरी यांच्या कामाच्या शैलीचे फॅन आहेत. रोहित पाटील यांनाही गडकरींच्या कामाचा असाच अनुभव आला आणि ते भारावून गेले. त्यामुळेच त्यांनी नितीन गडकरी यांचं कौतुक करणारी आणि आभार मानणारी फेसबुक पोस्ट लिहिली आहे.

Edited By- Digambar Jadhav