बीड - अंबाजोगाईमध्ये Ambajogai आई-वडिलांसोबत आद्यकवी मुकुंदराजस्वामी मंदिर, बुट्टेनाथ डोंगर परिसरात वाहत्या नद्या फिरण्यासाठी आलेल्या 10 वर्षीय मुलगा नदीच्या पात्रात उतरला. मात्र पाण्याचा प्रवाह वाढत असल्याने मुलगा पाण्यात अडकला. आई- वडिलांनी आरडा ओरडा केला पाण्याचा अंदाज नसल्याने वाचवण्यासाठी कोणीही पुढे येत नव्हते. तेव्हा त्या ठिकाणी उपस्थित असणाऱ्या सुलभा सोळंके या युवतीने प्रसंगावधान बाळगुन, स्वतः पाण्यात उतरून इतरांच्या मदतीने, त्या बालकाचे प्राण वाचविले. हा प्रकार काल वाण नदीच्या पात्रात घडला.

हे देखील पहा -

अंबाजोगाई व परिसरात मोठा पाऊस Rain झाल्याने आद्यकवी मुकुंदराजस्वामी मंदिर, बुट्टेनाथ डोंगर परिसरात वाहत्या नद्या, धबधबे पाहण्यासाठी पर्यटकांची गर्दी वाढली आहे. सेल्फी काढणाऱ्यांची संख्या वाढली आहे. या ठिकाणी लहान मुलांना घेऊन नागरिक गर्दी करत असल्याने अशा अपघाताच्या घटना घडत आहेत.

बीड जिल्ह्यात यावर्षी मोठ्या प्रमाणात पाऊस झाल्याने नदी नाले ओढे तसेच धबधबे ओसंडून वाहत आहेत. यातच या ठिकाणी पाहण्यासाठी हौशी लोकांची गर्दी पाहायला मिळत आहे. यावेळी धोकादायक ठिकाणी पाण्यात उतरून सेल्फी काढनं जीवावर बेतू शकतं. याचं भान न ठेवता बिनधास्त उतरत असल्यामुळे असे अपघात रोखण्यासाठी प्रशासनाने पर्यटन स्थळाच्या ठिकाणी सुरक्षारक्षक नेमणे गरजेचे आहे.

Edited By - Shivani Tichkule