संजय राठोड

यवतमाळ : दिग्रस ते आर्णी या मार्गावर न्यायाधीशाच्या वाहनाने दुचाकीला जबरदस्त धडक दिल्याने दुचाकीवरील २६ वर्षाचा युवक जागीच ठार झाला असून त्याची पत्नी गंभीर जखमी झाल्याची घटना आज सायंकाळी ७ च्या सुमारास घडली आहे.

हे देखील पहा -

हा अपघात कलगाव फाट्यावर झाला असून संध्याकाळी ७ वाजेच्या सुमारास महेश (गोलू) खंडु  भनक (वय २६) वर्षे हा आपल्या पत्नीसह दिग्रस येथून आपल्या गावी वाई-मेंढी येथे जात होता. प्रवासादरम्यान कलगाव फाट्यावर आर्णी कडुन दिग्रसला जात असलेल्या स्विफ्ट डिझायर एम.एच.२९.ए.आर. ५०८५ या गाडीचे चालक आणि न्यायाधीश रामकृष्ण अभ्यंकर दिग्रसकडे जात असताना चालकाचा वाहनावरील ताबा सुटला आणि गाडीने विरुद्ध दिशेने येणाऱ्या दुचाकीला जबरदस्त धडक दिली.

या घटनेत महेश खंडू भनक हा जागीच ठार झाला. तर, त्याची पत्नी गंभीर जखमी झाली. विशेष म्हणजे हा अपघात एवढा भयंकर होता की, मृतक महेश भनक याच्या हाताचे दोन तुकडे होऊन दुसऱ्या बाजूला फेकल्या गेले. तर एक पाय पुर्णतः तुटला ! गाडी वेगात असल्याने १०० फुट दुर असलेल्या प्रवासी निवाऱ्याला जाऊन धडकली व निवाऱ्याची भिंत देखील पडलीआहे.

Edited By : Krushnarav Sathe