संजय राठोड

उमरखेड : गुलाब चक्रीवादाळामुळे Gulab Cyclone सध्या राज्यात मुसळधार पाऊस सुरु आहे. मराठवाडा आणि विदर्भात दोन दिवसांपासून पावसाने चांगलीच हजेरी लावली आहे. अनेक शहरांना सतर्कतेचा इशारा देण्यात आला आहे. जोरदार पावसात सुरु असताना त्यात प्रवास करत असताना एका एसटी चालकाने पुराच्या पाण्यातून बस काढण्याचा प्रयत्न केला आणि त्याचा तो प्रयत्न त्याच्या जिवावर बेतला आहे. आज सकाळी साडेसात ते आठ च्या दरम्यान नांदेडहून नागपूरला पुसदमार्गे ही बस जात होती त्यावेळेस उमरखेडपासून दोन किमी दहांगाव नाला पार करत असताना पुराच्या पाण्यात बस वाहून गेली आहे.

व्हिडीओ-

बस चालकाने पुराच्या पाण्यातून बस बाहेर काढण्याचा प्रयत्न केला. मात्र, त्यावेळीच बस पाण्यात वाहून गेली. प्राथमिक माहितीनुसार बसमध्ये साधरणमध्ये पाच जण असल्याची मिळाली होती.

सुधारित माहितीनुसार, सहा प्रवाशी पैकी दोघांना सुखरूप काढलं बाहेर तर एक प्रवाशी चा झालाय मृत्यू अजुन तिघे बेपत्ता आहे. शोध कार्य सुरूच. 4 प्रवाशी एक चालक आणि एक वाहक असे मिळून एकूण 6 जण होते बस मध्ये त्यातून 2 जिवंत बाहेर काढण्यात आले तर एक मृत्यू अवस्थे सापडला आहे. ही एसटी बस क्रमांक एमएच 14 बीटी 5018 ही बस नांदेडहून पूसदमार्ग नागपूरला निघाली होती.

Edited By-Sanika Gade