संजय राठोड

यवतमाळ : नेर तालुक्यातील शिरसगाव येथील लघु सिंचन प्रकल्पाच्या कालव्यात प्रचंड अनागोंदी आहे. (Yavatmal) बारा किलोमीटरच्या कालव्याचे पाणी केवळ चार ते पाच किलोमीटरपर्यंत पोहोचते. वेळोवेळी निवेदन देऊनही सिंचन विभाग व सरकारला जाग न आल्यामुळे अखेर संतप्त (farmer) शेतकऱ्यांनी सामूहिक जलसमाधी आंदोलन केले. (Maharashtra News)

यवतमाळ जिल्ह्यातील शिरसगाव येथील लघु सिंचन प्रकल्पाच्या कालव्या धरणाच्या सिंचन क्षेत्रात शिरसगाव, ब्राह्मणवाडा, सावरगाव आदी गावातील जमीन सिंचनाखाली येते. परंतु मागील पंधरा वर्षापासून टेलपर्यंत अजूनही पाणी गेले नाही. मागील वर्षी शेतकऱ्यांनी याबाबत पाठपुरावा केल्यामुळे पहिल्यांदा टेलपर्यंत पाणी पोहोचले होते. परंतु या कालव्यात साचलेला गाळ, वाढलेली वनस्पती, मेजर व मायनर तुटलेले गेट, जागोजागी लिक होत असलेला कालवा, कालव्याची लेव्हल चढ-उतार असल्यामुळे पाणी पुढे सरकत नाही. या भागातील शेतकरी सिंचनापासून अनेक वर्षापासून वंचित आहे.

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

सिंचन विभागाकडून प्रचंड अनागोंदी सुरु आहे. बारा किलोमीटरच्या कालव्याचे पाणी केवळ चार ते पाच किलोमीटरपर्यंत पोहोचत असते. लाभ क्षेत्रातील शेतकऱ्यांनी आजपर्यंत वेळोवेळी जिल्हाधिकारी व सिंचन विभागाला निवेदने दिली. परंतु लाल फीतशाहीने या निवेदनाला केराची टोपली दाखवली. शेवटी संतप्त शेतकऱ्यांनी आज (६ नोव्हेंबर) धरणात जलसमाधी आंदोलन करीत सिंचन विभाग व सरकारचा जाहीर निषेध केला. या आंदोलनाला पाठिंबा देण्यासाठी परिसरातील नागरिकांनी यावेळी मोठी गर्दी केली होती. जोपर्यंत कालव्याच्या दुरुस्तीचे लेखी आश्वासन अधिकारी देणार नाही, तोपर्यंत आम्ही पाण्याबाहेर येणार नाही; असा इशाराही त्यांनी यावेळी दिला होता.