yatvmal police arrests accused Saam Tv
महाराष्ट्र

बाळाच्या आईचा नणंदेने केला खात्मा; पाेलिसांनी ठाेकल्या बेडया

साम टिव्ही ब्युरो

- संजय राठाेड

yatvmal police arrests accused यवतमाळ : आपल्या मुलीचा लाड हाेणार नाही या कारणास्तव त्रास देऊन विवाहितेस पेटवून दिल्याच्या घटनेप्रकरणी पाेलिसांनी पांढरकवडा तालुक्यातील दातपाडी येथील कांता संजय राठाेड हिच्यावर कलम 302 अन्वये गुन्हा दाखल करुन संशियत म्हणून अटक केली आहे. माणुसकीला काळिमा फासणा-या या घटनेची दातपाडी परिसरात गेल्या काही दिवसांपासून चर्चा हाेती. या प्रकरणाचा तपास पाेलिस उपनिरिक्षक निलेश गायकवाड हे करीत आहे. (yatvmal-police-arrests-accused-girl-child-woman-beating-crime-news-sml80)

आशा सुनिल राठाेड यांनी याबाबतची फिर्याद दिली आहे. या फिर्यादीत राठाेड यांनी माझी पुतणी माेनिका गणेश पवार हिचा सहा वर्षापुर्वी गणेश पवार यांच्यासमवेत लग्न झाले. या दाेघांना सहा वर्षाचा मुलगा आणि 12 दिवसाची मुलगी आहे. पवार यांचे एकत्र कुटुंब आहे. माेनिकाची माेठी नणंद कांता संजय राठाेड या देखील तेथेच राहतात. या दाेघींत सातत्याने वाद हाेत हाेते याबाबत माेनिका मला नेहमी सांगत हाेती. परंतु तिचे घरी अन्य लाेक (पती, सासु, सासरे, जावू) हे चांगले राहत असून तिचे नणंद विरुद्ध तक्रार दिली नाही.

आठ जूलैला सायंकाळी पाच वाजता माझी नणंद माया गाेपाल पवार यांनी माेनिकाच्या घरच्यांचा फाेन आला आणि माेनिका दुपारी दाेन वाजता घरी जळली असून तिला उपचारासाठी सेवाग्राम येथे दाखल केले आहे. दुस-या दिवशी आम्ही सेवाग्राम रुग्णालयात गेलाे. त्यावेळी तिच्या सासरची मंडळी उपस्थित हाेते.

माेनिकाला भेटल्यानंतर तिने अश्रु ढाळतच घडलेली घटना सांगितली. मला मूलगी झाल्याने माझी नणंदेच्या मुलीचे लाड हाेणार नाहीत या कारणाने ती माझ्यावर चीडून हाेती. त्यातूनच तिने माझ्यावर अंगावर आॅईल टाकून मला पेटवून दिले. त्यानंतर काय घडले मला काहीच माहिती नाही असे सांगितले. तिच्या सुरक्षिततेच्या दृष्टीने आम्ही तक्रार केली नव्हती.

दरम्यान आज (रविवार, ता. 18) माेनिका हिचा मृत्यू झाल्याचे आम्हांला समजले. त्यामुळे तिच्यावर अन्याय करणा-यांविराेधात तिची नणंद कांता संजय राठाेड हिच्या विराेधात तक्रार केल्याचे सांगितले. दरम्यान कांता राठाेड हिला संशियत म्हणून पाेलिसांनी अटक केली आहे.

Edited By : Siddharth Latkar

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Jalgaon Crime: जुना वाद नव्यानं पेटला; धारदार शस्त्राने वार करत एकाचा जीव घेतला

Pune Crime : पुण्यात अल्पवयीन मुलांचा हैदोस; टोळक्याने ७ ते ८ गाड्या फोडल्या, VIDEO

Ind vs Eng : भारत विरुद्ध इंग्लंडचा चौथा कसोटी सामना ड्रॉ; जडेजा अन् वॉशिंग्टनच्या दमदार खेळीने गड राखला

Pune Rave Party : रेव्ह पार्टीत खडसेंचे जावई! खडसेंचा आवाज दाबण्यासाठी बनाव? रेव्ह पार्टीत नेमकं काय घडलं?

Kalyan News : मोठी बातमी! कल्याणमध्ये भर पावसात ५ ते ६ घरे कोसळली, परिसरात खळबळ

SCROLL FOR NEXT