Satara News : सातारा जिल्ह्यातील जावळी तालुक्यातील दरे बुद्रुक या गावात अंगावर दगडी भिंत कोसळून एका ज्येष्ठ नागरिकाचा मृत्यू झाला आहे. या घटनेत तीन महिला (women) देखील गंभीर जखमी (injured) झाल्या आहेत. सर्व जखमींना सातारा येथील जिल्हा रुग्णालयात दाखल करण्यात आले आहे.

सातारा जिल्ह्यात सध्या संततधार पाऊस सुरु आहे. या जिल्ह्यातील जावळी तालुक्यामध्ये कुडाळ भागात देखील गेल्या दहा दिवसांपासून सतत पाऊस पडत आहे. त्यामुळे बऱ्याच भागात छोटे मोठे नुकसान होत आहेत. कुडाळात पावसानं चांगलाच जोर धरला असताना दहा फूट उंचीची दगडी भिंत कोसळली व भिंतीच्या शेजारी बसलेल्या महिला जखमी झाल्या.

यामध्ये प्रभावती मतकर, मुक्ताबाई महामुलकर, कुसुम महामुलकर, पद्मावती महामुलकर यांच्या अंगावर दगडी भिंतीचा भाग कोसळला. त्यामुळे या सर्वजणी भिंतीखाली गाडल्या गेल्या. यातच कुसुम महामुलकर यांचा डोक्यात दगडी पडल्या.

अचानक गावात मोठा आवाज झाल्याने युवकांनी घटनास्थळी धाव घेतली. गाडले गेलेल्या महिलांचा मोठ-मोठ्याने ओरडण्याचा आवाज येत असल्याने युवकांनी भिंतीखाली गाडल्या गेलेल्या तीन महिलांना दगड माती बाजूला काढून मोठ्या शर्तीने बाहेर काढले. मात्र अंगावर सहा ते सात फूट दगड मातीचा मलमा खाली पडलेल्या कुसुम महमूलकर यांना काढण्यात युवकांना वेळ लागला.

त्यांना काही वेळेतच बाहेर काढल्यानंतर त्या गंभीर स्वरूपामध्ये जखमी झाल्या होत्या तसेच बेशुद्ध अवस्थेत होत्या. या सर्व जखमी महिलांना शासकीय जिल्हा रुग्णालयात उपचारासाठी दाखल करण्यात आले. दरम्यान या घटनेच कुसुम महामुलकर यांचा दुर्दैवी मृत्यू झाला.

Edited By : Siddharth Latkar