Akola Crime News: राज्यात गेल्या काही दिवसांपासून गुन्हेगारीच्या घटनांमध्ये मोठी वाढ झाल्याचे पाहायला मिळत आहे. अनैतिक संबंध, कौटुंबिक कलह, महिलांवरील अत्याचार, आर्थिक फसवणूक यातून हत्या आणि आत्महत्येच्या घटना सातत्याने समोर येत आहेत. त्यातच आता अकोल्यातून आणखी एक धक्कादायक बातमी समोर आली आहे. दहिगाव गावंडे शेतशिवारात एका चाळीस वर्षीय महिलेचा अर्धवट अवस्थेत जळालेल्या अवस्थेत मृतदेह आढळून आला आहे. या घटनेने मोठी खळबळ उडाली आहे. (Latest Marathi News)

नेमकं प्रकरण काय?

अकोल्यातील (Akola) बोरगाव मंजू पोलीस (Police) स्टेशनच्या हद्दीतील दहिगाव गावंडे शेतशिवारात एका चाळीस वर्षीय महिलेचा अर्धवट अवस्थेत जळालेल्या अवस्थेत मृतदेह आढळून आला. या घटनेने एकच खळबळ उडाली आहे. या घटने प्रकरणी बोरगाव पोलिसांनी घातपाताची शक्यता व्यक्त केली आहे. (Akola News)

सदर महिला ही विधवा असून तिला दोन मुलं आहेत. गेल्या काही वर्षांपासून ती आपल्या माहेरी म्हणजेच दहिगाव गावंडे येथे राहत होती. काही दिवसांपासून ती गावातून बेपत्ता होती. दरम्यान, दहिगाव गावंडे येथील शेतशिवारात एका खड्ड्यात तिचा मृतदेह आढळून आला.

मृतदेहावर काटेरी झुडूप टाकलेली होती. मृतदेह हा अर्धवट जळालेल्या अवस्थेत होता. मृतदेहाची सर्वत्र दुर्गंधी पसरलेली होती. दरम्यान घटनेची माहिती बोरगाव मंजू पोलिसांना मिळताच पोलिसानी घटनास्थळी पोहचून मृतदेहाचा पंचनामा करून मृतदेह उत्तरीय तपासणीसाठी अकोला येथील सरोपचार रुग्णालयात पाठवला आहे. सदर महिलेचा घातपात झाला असावा असा अंदाज व्यक्त करण्यात आला आहे. याचा अधिक तपास बोरगाव पोलीस करीत आहेत.