शरद पवारांना राज्यसभेवर पाठवल्यानं राज्यसभेचा तिढा सुटला... मात्र आता विधानपरिषदेवरुन महाविकास आघाडीत बिघाडी होण्याची शक्यता आहे....कारण 13 मे रोजी उद्धव ठाकरेंच्या आमदारकीची टर्म संपतेय... मात्र उद्धव ठाकरेंनी विधानपरिषदेवर जावं, अशी इच्छा राऊतांनी व्यक्त केलीय..

मात्र राऊतांच्या वक्तव्यानंतर ठाकरेंच्या नावाला थेट पाठिंबा न देता काँग्रेस आणि पवारांच्या राष्ट्रवादीनं सावध प्रतिक्रिया दिलीय... खरं तर महाविकास आघाडीला राज्यसभेची एकच जागा जिंकणं शक्य होतं.. या जागेसाठी महाविकास आघाडीतील तीन्ही पक्षांनी फिल्डिंग लावली होती...याच काळात ठाकरेसेनेनं सातत्यानं संख्याबळ आणि मविआतील चक्राकार सुत्राचा दाखला देत राज्यसभेवर दावा केला.... एवढंच नाही तर काँग्रेस प्रदेशाध्यक्ष हर्षवर्धन सपकाळांनी तर राज्यसभा काँग्रेसला आणि विधानपरिषद ठाकरेसेनेला देण्याविषयी तयारी दाखवली... मात्र राज्यसभा पवारांनी पटकावली... आता विधानपरिषदेवरुन पेच निर्माण होऊ शकतो....

13 मे 2026 ला उद्धव ठाकरेंसह 9 जागा रिक्त होत आहेत... त्यामुळे एका जागेसाठी 32 पहिल्या पसंतीच्या मतांची आवश्यकता आहे..सध्या महायुतीकडे 235 आमदार आहेत... त्यामुळे 7 आमदार निवडून येऊ शकतात.. तर महाविकास आघाडीकडे 50 आमदार आहेत... त्यामुळे 1 जागा सहज निवडून येऊ शकते... आता महायुतीचे 11, मविआचे 18 आणि एमआयएम आणि अपक्षांचे 3 मतं शिल्लक राहतात... 1 जागेसाठी युती आणि आघाडीकडे पुरेसं संख्याबळ नाही.. त्यामुळे फोडाफोडी होण्याची शक्यता आहे...

आता महाविकास आघाडीत रस्सीखेच रंगल्यानं ठाकरेंचं टेन्शन वाढलंय... आणि शिंदेसेनेनं ठाकरेंना डिवचण्याची संधी साधली... काँग्रेसनं विधानपरिषदेसाठी दावा ठोकला तर ठाकरेंचं टेन्शन वाढू शकतं.. त्यामुळे ठाकरेंना काँग्रेस नेत्यांची मनधरणी करण्यात यश मिळणार का? की भाजपच उद्धव ठाकरेंना मदत करणार यावर उद्धव ठाकरेंची आमदारकी राहणार की जाणार, हे स्पष्ट होणार आहे..