लातूर : लातूर (Latur) शहराला गेल्या दीड महिन्यापासून पिवळे पाणी मनपाकडून पुरविले जाते आहे. यावर महानगरपालिका (Latur Muncipal Corporation) योग्य ती कार्यवाही करत असून लवकरच स्वच्छ आणि शुद्ध पाण्याचा पुरवठा केला जाईल असे आश्वासन महानगरपालिकेचे आयुक्त अमन मित्तल यांनी आज पत्रकार परिषदेत दिले.

हे देखील पाहा :

दरम्यान, पिवळ्या पाण्याच्या बाबतीत महानगरपालिकेचे आयुक्त अमन मित्तल (Aman Mittal) योग्य ते सहकार्य करत नसल्याचा आरोप लातूर शहराचे महापौर विक्रांत गोजमगुंडे आणि उपमहापौर चंद्रकांत बिराजदार यांनी केला होता. याबाबत आयुक्त अमन मित्तल यांनी स्पष्ट करताना सांगितले की, अपुऱ्या माहितीमुळे पदाधिकारी बोलले असतील. पण, मनपा प्रशासन पिवळ्या रंगाच्या पाण्याबाबत (Water) यावर योग्य ती कार्यवाही करत असून आता पाणीपुरवठा (Water Supply) विभाग पाणीवितरण करण्यासाठी सक्षम झाला आहे.

दरम्यान, उद्याही शहरातील काही भागात पिवळ्या रंगाच्या पाण्याचा पुरवठा झाला तरी ते पाणी पिण्यायोग्य असल्याचा प्रयोगशाळेचा अहवाल आला असून नागरिकांनी घाबरून जाऊ नये असे आवाहनही आयुक्तांनी केले. तर, आवश्यकतेनूसार टँकरद्वारे (Tanker) पाणी पुरवठा करण्यासाठी पर्यायी व्यवस्था करण्यात आल्याचे महानगरपालिकेचे आयुक्त अमन मित्तल यांनी सांगितले आहे.

Edited By : Krushnarav Sathe