सातारा : महात्मा फुलेंच्या जयंतीच्या दिवशीच उदयनराजेंनी नव्या वादाला तोंड फोडलंय. महात्मा फुलेंनी १ जानेवारी १८४८ मध्ये सुरु केलेल्या मुलींच्या पहिल्या शाळेवरच उदयनराजेंनी आक्षेप घेतलाय. तर मुलींची पहिली शाळा महात्मा फुल्यांनी नाही तर थोरल्या प्रतापसिंह राजेंनी सुरु केली आणि फुलेंनी त्यांचं अनुकरण केल्याचा दावा उदयनराजेंनी केलाय.

उदयनराजेंच्या वक्तव्याचा ओबीसी आंदोलक मंगेश ससाणेंनी चांगलाच समाचार घेतलाय. तर काँग्रेस प्रदेशाध्यक्ष हर्षवर्धन सपकाळ यांनी उदयनराजेंकडून खोटा इतिहास पसरवण्याचं काम सुरु असल्याची टीका केलीय.

उदयनराजेंनी उल्लेख केलेले थोरले प्रतापसिंह राजे कोण होते?

कोण आहेत थोरले प्रतापसिंह भोसले?

1808-1818

मराठा साम्राज्याचे अखेरचे छत्रपती

1818

पराभवानंतर इंग्रजांशी तह करुन साराऱ्याचे राजे म्हणून कार्यरत

1839

बंडखोरीच्या आरोपामुळे इंग्रजांनी गादीवरुन हटवलं

1847

प्रतापसिंह राजेंचं साताऱ्यात निधन

प्रतापसिंह राजेंनी समाजोपयोगी कामं केल्याचाही उल्लेख

उदयनराजेंनी महात्मा फुले वाड्यात जाऊन फुलेंना वंदन केलं. त्यानंतर त्यांनी नवा वाद ओढवून घेतलाय. मात्र महात्मा फुलेंच्या जयंतीच्या दिवशीच उदयनराजेंना ही उपरती झाली का? उदयनराजेंनी केलेल्या वक्तव्याचे ऐतिहासिक संदर्भ आहेत का? असे अनेक प्रश्न निर्माण झालेत. हे असं असलं तरी इतिहासाची मढी उकरुन हाती केवळ मातीच राहील, हे राजकीय नेत्यांनी लक्षात ठेवायला हवं.