Wardha  Saam TV
महाराष्ट्र

Wardha News: वाळू माफियांचा हैदोस, नायब तहसीलदारांसह पथकावर हल्ल्याने खळबळ

या प्रकरणी दगडाने हल्ला करत धक्काबुक्की आणि मारहाण करणाऱ्या वाळूमाफियांवर विविध कलमान्वये हिंगणघाट पोलिसात गुन्हा दाखल करण्यात आला आहे.

साम टिव्ही ब्युरो

>> चेतन व्यास

वर्धा : वर्धा जिल्ह्यातील हिंगणघाट येथे नायब तहसीलदारांवर वाळूमाफियांनी हल्ला केल्याचा प्रकार समोर आला आहे. वाळूतस्करांवर कारवाईदरम्यान ही घटना घडली आहे. सध्या जिल्ह्याच्या वाळू घाटांचे लिलाव झाले नसले तरीही वाळूमाफिया हे नदीपात्रातून वाळूचे अवैध उत्खनन करून वाहतूक करत आहेत. हिंगणघाट तालुक्यातील डंकीन घाटावर अशाच प्रकारे अवैध वाळूचे उत्खनन होत असल्याची माहिती महसूल विभागाच्या अधिकाऱ्यांना मिळाली होती.

माहितीच्या आधारे हिंगणघाटच्या नायब तहसीलदारांसह पथकाने या ठिकाणी धाड टाकली असता पाच वाळूचे टॅक्टर वाळू चोरत असल्याचे निदर्शनास आले. कारवाई सुरु असतानाच वाळू माफियांनी नायब तहसीलदारांसह पथकावर हल्ला चढवत वाहने तेथून पळवून नेली. या प्रकरणी दगडाने हल्ला करत धक्काबुक्की आणि मारहाण करणाऱ्या वाळूमाफियांवर विविध कलमान्वये हिंगणघाट पोलिसात गुन्हा दाखल करण्यात आला आहे.

हिंगणघाट येथील नायब तहसीलदार विजय पवार यांनी पथकासह डंकीन वाळूघाटावर धाड टाकली होती. तेथे पाच ट्रॅक्टर हे वाळू चोरून नेत असल्याचे त्यांच्या निदर्शनास आले. यावर कारवाई सुरु असतानाच घटनास्थळावर दुचाकीने जावेद कुरेशी आणि त्याच्यामागे चार इसम धावत आले. कुरेशी याने टॅक्टर चालकांना तुम्ही टॅक्टर घेऊन जा काय आहे ते आम्ही पाहून घेतो, असं म्हणत नायब तहसीलदारसह पथकावर माफियांनी दगड फिरकावला. मात्र अधिकारी यात थो़डक्यात बचावले.

वाळू माफिया तेथून वाहने पळवून नेत असताना अधिकाऱ्यांनी विरोध केला. यामुळे संतापलेल्या ट्रॅक्टर चालकांसह जावेद कुरेशी आणि चार इसमानी नायब तहसीलदारसह पथकातील कर्मचाऱ्यांना धक्काबुकी करत तलाठी संजीव अंबादे यांना मारहाण केली आणि वाहने तेथून पळवून नेली.टॅक्टर पळून जात असल्याचे पथकाने मोबाईलमध्ये चित्रीकरण सुद्धा केले आहे.

घटनेनंतर महसूल विभागाच्या पथकने हिंगणघाट पोलीस ठाण्यात पाच टॅक्टर चालकासाह जावेद कुरेशी आणि अनोळखी तीन ते चार इसमाविरोधात हिंगणघाट पोलिसात तक्रार दाखल केली. तक्रारीवरून पोलिसांनी शासकीय कामात अडथळा करत दगडफेक आणि मारहाण केल्याचा गुन्हा दाखल केला आहे. पुढील तपास हिंगणघाट पोलीस करत आहेत.

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Palghar News: संपानं घेतला चिमुकलीचा जीव; उपचाराअभावी २ वर्षीय मुलीचा मृत्यू,शासकीय रुग्णालयातील धक्कादायक प्रकार

Raj Thackeray : राज ठाकरे महाविकास आघाडीत येणार? महाराष्ट्रात राजकीय हालचालींना वेग, मातोश्रीच्या बैठकीत काय घडलं? VIDEO

Israel Airstrike: गाझा-युद्धविरामची चर्चा सुरू असतानाच इस्रायलचा कतरमध्ये हवाई हल्ला, व्हिडिओ व्हायरल

Maharashtra Government: शेतकऱ्यांसाठी गुडन्यूज; रस्त्यावरून होणारी कटकटी अन् भांडणं मिटणार, शेतापर्यंत होणार रस्ता

Maharashtra Politics : राज्यात पुन्हा भूकंप; दसऱ्यानंतर ठाकरे गट फुटणार? VIDEO

SCROLL FOR NEXT