चेतन व्यास

वर्धा : कोरोनाचा संसर्ग दिवसेंदिवस वाढत आहे. राज्‍यातील अनेक जिल्‍ह्यांमध्‍ये हा धोका वाढत चालला असून कोरोना (Corona) बाधितांची संख्‍या देखील वाढत आहे. त्‍यानुसार (Wardha) वर्धा जिल्‍ह्यात देखील कोरोनाचा धोका वाढत असून मागील २४ तासात ९ कोरोना बाधित आढळून आले आहेत. (Tajya Batmya)

वर्धा जिल्ह्यात मागील २४ तासात १८० कोरोना चाचणी झाली. यात कोरोना पॉझिटिव्ह रुग्णाचा आकडा ९ वर पोचलाय. परिणामी प्रशासनासह सामान्य नागरिकही दहशतीत आले आहेत. कोरोना बाधितांची संख्‍या वाढत असल्‍याने प्रशासनाने देखील खबरदारीची उपाययोजना सुरू केली आहे. शिवाय नागरीकांनी सतर्क राहण्याचे आवाहन प्रशासनाने केले आहे.

२६ वर पोहचली बाधितांची संख्‍या

कोरोनाची दुसरी लाट ओसरल्‍याने बाधितांची संख्‍या कमी झाली होती. मध्‍यंतरी जिल्‍ह्यात एक देखील बाधित नव्‍हता. मात्र मागील महिनाभरात हळूहळू संख्‍या वाढत असून आता जिल्‍ह्यातील एक्टिव्ह पॉझिटिव्हची संख्या २६ वर पोहचली असून या संख्येतही मोठी वाढ होत आहे.