चेतन व्यास 
वर्धा : वर्ध्याच्या हिंगणघाट तालुक्यातील शेकापूर या गावात बांधकामावरून एका महिलेचा आणि गावकाऱ्यांसोबत वाद झाला. या वादाचे रूपांतर मारहाणीत होऊन महिलेला व तिच्या मुलाला मारहाण केल्याची घटना समोर आली. ही घटना कॅमेरात कैद झाली आहे.

हिंगणघाट तालुक्यातील (Wardha) शेकापूर गावातील रहिवासी अनंता बोबडे हे बांधकामात अडथळा निर्माण करतात. बांधकामावर ग्रामपंचायतीतील एक अधिकारी आले त्यांनी पाहणी करून संपूर्ण घराचे कागदपत्रे तपासून तेथून निघून गेले. त्या दरम्यान गावकाऱ्यांसोबत बांधकामावरून वाद सुरू झाला. या वादाचे रूपांतर मारहाणीत झाले आहे. गावकऱ्यांनी मारहाणीचे दृश्य मोबाईल कॅमेऱ्यात कैद केले आहे. (Crime News) वैशाली मुजबैले यांना कॉलमच्या खड्ड्यात पाडून लाथाबुक्क्यांनी मारहाण केल्याचं बोललं जातं आहे. 

वैशाली यांचा मुलगा मोबाइलमध्ये चित्रण करीत असताना त्याच्या हातून मोबाइल हिसकावत फोडला. वैशालीचे पती वाद सोडविण्यास गेले असता त्यांनाही मारहाण केल्याची माहिती सांगण्यात आली आहे. याप्रकरणी वडनेर (Police) पोलिसांत दोन्ही गटांच्या लोकांच्या तक्रारीवरून १७ जणांविरुद्ध गुन्हे दाखल करण्यात आल्याचे पोलिसांकडून सांगण्यात आले आहे.