भाजप नेत्या पंकजा मुंडे यांच्याविषयी सोशल मीडियात आक्षेपार्ह पोस्ट केल्याने आज (साेमवार) बीड जिल्ह्यातील वडवणी शहरात बंदचे आवाहन करण्यात आले हाेते. त्यानुसार वडवणी शहरातील व्यापाऱ्यांसह दुकानदारांनी त्यास मोठा प्रतिसाद दिला आहे. संपूर्ण शहरात कडकडीत बंद पाऴण्यात आला आहे.

नगर जिल्ह्यात एका युवकाने पंकजा मुंडेविषयी समाज माध्यमातून आक्षेपार्ह पाेस्ट केली. यामुळे तणाव निर्माण झाला हाेता. पाेलिसांनी वेळीच युवकावर गुन्हा दाखल करुन पंकजा मुंडे समर्थकांना शांततेचे आवाहन केले.

दरम्यान सकल ओबीसी समाज तथा मुंडे समर्थकांकडून आज वडवणी शहर बंदचे आवाहन करण्यात आले हाेते. त्यास नागरिकांनी प्रतिसाद देत शहरात कडकडीत बंद पाळला आहे. पंकजा मुंडे सर्मथकांनी पाेलिसांना निवेदन देत दाेषींवर कारवाईची मागणी केली आहे.

Edited By : Siddharth Latkar