चेतन इंगळे

Virar News Today: विरार बेपत्ता झालेल्या एका अल्पवयीन तरुणीने व्हाट्सअ‍ॅपवर ‘व्हॉईस नोट’ पाठवून अपहरण झाल्याचा सांगितल्याने खळबळ उडाली होती. मात्र या या तरुणीने स्वतःच्या अपहरणाचा बनाव रचला असून ती आपल्या प्रियकरासोबत विमानाने कोलकत्याला पळून गेल्याचे निष्पन्न झाले आहे. तिला ताब्यात घेण्यासाठी अर्नाळा सागरी पोलिसांचे एक पथक कोलकत्याला रवाना झाले आहे. (Latest Marathi News)

विरार येथे रहाणारी १७ वर्षीय तरुणी शुक्रवारी सकाळी कामावर जाण्यासाठी निघाली होती. मात्र ती कामावर गेली नव्हती. तिच्या कुटुंबियांनी शोध सुरू केला होता. दरम्यान रात्री साडे अकरा वाजता तिने भावाच्या मोबाईलच्या (Mobile) व्हाट्सअ‍ॅप वर एक ‘व्हॉइस नोट’ पाठवली. माझे एका व्यक्तीने अपहरण केले असून ट्रेन मधून अज्ञात ठिकाणी घेऊन जात असल्याचे सांगितले. यामुळे घाबरलेल्या तिच्या कुटुंबीयांनी अर्नाळा सागरी पोलीस ठाणे गाठले. (Crime News)

पोलिसांनी या गंभीर प्रकरणाचा लगेच तपास सुरू केला. त्यावेळी ही मुलगी ट्रेन मधून मध्ये तर विमानातून पळून गेल्याचे निष्पन्न झाले. तिच्या शेजारच्या एका इसमाबरोबर ती कोलकत्याला गेल्याची माहिती मिळाली. पोलिसांचे एक पथक तिला घेण्यासाठी कोलकात्याला रवाना झाले आहे. या मुलीने स्वतःच्या अपहरणाचा बनाव रचला होता मात्र ती सुखरूप असून तिच्या परिचयाच्या व्यक्तीसोबत गेली असल्याची माहिती अर्नाळा सागरी पोलीस ठाण्याचे वरिष्ठ पोलीस (Police) निरीक्षक कल्याणराव करपे यांनी दिली