रत्नागिरी : शिवसेना (shivsena) खासदार संजय राऊत (sanjay raut) यांची आज (मंगळवार) दुपारी चार वाजता शिवसेना भवन येथे पत्रकार परिषद होणार आहे. शिवसेनेचे नेते यशवंत जाधव आणि युवा सेनेचे पदाधिकारी राहूल कनाल (rahul kanal) यांच्यावर आयकर विभागाने कारवाई केल्याने आता दुपारी खासदार राऊत काय बाेलणार याची उत्सुकता राजकीय वर्तुळात लागून राहिली आहे. दरम्यान खासदार संजय राऊत हे आजच्या पत्रकार परिषदेत जबरदस्त बॉम्ब फोडतील असा विश्वास व्यक्त करीत खासदार विनायक राऊत (vinayak raut) यांनी विराेधकांना सूचक इशारा दिला आहे. (sanjay raut latest marathi news)

संजय राऊत यांनी भाजप नेत्यांवर सातत्याने प्रहार सुरु ठेवला आहे. ईडी तसेच अन्य यंत्रणांचा भाजप गैरवापर करीत असल्याचा त्यांचा आराेप आहे. याबराेबरच किरीट सोमय्या (Kirit Somaiya) आणि नील सोमय्यांना (Neil Somaiya) त्यांनी टार्गेट करुन दाेघांना जेलमध्ये टाकणार असल्याचे म्हटलं हाेते.

आजच्या पत्रकार परिषदेत खासदार संजय राऊत नेहमीप्रमाणे एक जबरदस्त बॉम्ब फोडतील असा विश्वास खासदार विनायक राऊत यांनी व्यक्त केला आहे. ज्या पद्धतीने महाविकास आघाडी सरकारच्या (mva) मुळावर जे येताहेत त्यांचा बिमोड करण्याचा निर्धार संजय राऊत यांनी केलेला आहे. त्यामुळे आम्ही सर्वजजण त्यांच्या पाठीमागे भक्कमपणे उभे आहोत असेही खासदार राऊत यांनी नमूद केले.

Edited By : Siddharth Latkar