- विजय पाटील / भारत नागणे

Sambhaji Bhide News : शिवप्रतिष्ठान हिंदुस्थानचे प्रमुख संभाजी भिडे (shiv pratishthan hindustan chief sambhaji bhide) यांनी महापुरुषांबाबत केलेल्या वक्तव्याचा निषेध नाेंदविण्यासाठी आज (शुक्रवार) इस्लामपूर बंद ठेवण्यात आले आहे. याबराेबरच येथे विविध संघटनाकडून निषेध मोर्चा काढण्यात आला आहे.  (Maharashtra News)

विविध संघटना माेर्चात सहभागी

इस्लामपूर शहरातील आजच्या निषेध मोर्चात दलित महासंघ, संभाजी ब्रिगेड, विद्रोही चळवळ, शिवशंभो प्रतिष्ठान, मराठा सेवा संघ, छावा मराठा युवा महासंघ, राष्ट्रीय काँग्रेस पक्ष, वंचित बहुजन आघाडी, राष्ट्रवादी काँग्रेस, महात्मा फुले विचार मंच, अंधश्रद्धा निर्मूलन समिती, भारतीय क्रांति दल या संघटना सहभागी झाल्या आहेत. या सर्व संघटनांनी वाळवा पंचायती समितीतून वाळवा तहसील कार्यालयापर्यंत निषेध मोर्चा काढून संभाजी भिडे यांच्या वक्तव्याचा निषेध केला.

इस्लामपूर शहर बंदला अल्प प्रतिसाद

शिवप्रतिष्ठानचे संभाजी भिडे यांच्या वक्तव्याच्या निषेधार्थ विविध पक्ष आणि संघटनाकडून इस्लामपूर शहर बंदची आज हाक देण्यात आली होती. या बंदला शहरातून अल्प प्रतिसाद मिळालेला दिसून आला.

पंढरपुरात भिडेंच्या विरोधात आंदोलन

पंढरपूरात आज (शुक्रवार) मनोहर (संभाजी) भिडे यांच्या वक्तव्याच्या आणि मणिपूरच्या घटनेचा निषेधार्थ आंदोलन करण्यात आले. महापुरुषांबद्दल आक्षेपार्ह वक्तव्य करणाऱ्या भिडेंना तात्काळ अटक करावी तसेच मणिपूरमध्ये राष्ट्रपती राजवट लागू करावी अशी मागणी आंदाेलकांनी केली.

यावेळी केंद्र सरकार विरोधात प्रचंड घोषणाबाजी करण्यात आली. भिडेंच्या प्रतिमेला जोडे मारून निषेध करण्यात आला. शिवसेना ठाकरे गट, राष्ट्रवादी काँग्रेस, काँग्रेस, वंचित बहुजन आघाडी, संभाजी ब्रिगेड, रिपब्लिकन सेना यांच्या वतीने हे आंदोलन करण्यात आले.

Edited By : Siddharth Latkar