- मनोज जयस्वाल

विविध प्रश्नांची साेडवणूक करणे, प्रलंबित कामे तात्काळ करणे या मागणीसाठी वंचित बहुजन आघाडी रिसोड तालुक्याच्या वतीने आज (बुधवार) ग्रामपंचायतीच्या विराेधात रिसोड- मेहकर मार्गावर वाकद येथे रास्ता रोको आंदोलन करण्यात आले. या आंदाेलनात उपसरपंचांसह सदस्यांनी देखील सहभाग घेतला.

रिसोड तालुक्यातील वाकद येथे ग्रामविकास अधिकारी हजर राहत नसल्याने घरकुल, नालेसफाई, पाणीपुरवठा योजना तसेच विविध विकास कामे ठप्प झाल्याचे ग्रामस्थांचे म्हणणे आहे. याकडे वरिष्ठ अधिकारी व ग्रामपंचायत लक्ष देत नसल्याने आज आंदाेलन छेडण्यात आले.

गावकऱ्यांच्या प्रलंबित मागण्या

जल जीवन मिशनचे रखडलेले काम तात्काळ पुर्ण करावे.

पाणीपुरवठा सुरळीत करावा.

मंजुर झालेले घरकुलाचे काम सुरु करणे.

शेतकऱ्यांच्या सिंचन विहिरी तात्काळ मंजूर कराव्यात.

बांधकाम झालेल्या सिंचन विहीरीचे पैसे तात्काळ मिळावे.

गावात ग्रामसेवक हजेरी असावी.

Edited By : Siddharth Latkar