छत्रपती संभाजीनगर जिल्ह्यातील वैजापूर तालुक्यातील चिंचडगाव येथील महिला कीर्तनकाराच्या हत्येच्या घटनेने महाराष्ट्र ढवळून निघाला आहे. कीर्तनकार संगीता पवार यांच्या हत्येबाबत नवनवे खुलासा होत आहेत. संगीता पवार यांची हत्या चोरट्यांनीच केल्याचं उघड झालं आहे.

महिला कीर्तनकार संगीता पवार हत्या प्रकरणाच्या तपासाला वेग आला आहे. संगीता पवार यांची दगडाने ठेचून हत्या झाली होती. हत्येदरम्यान महिरा कीर्तनकाराची हत्या झाल्याचे पोलिस तपासात उघड झालं आहे. या हत्या प्रकरणाचा सीसीटीव्ही फुटेज देखील समोर आलं आहे. या हत्या प्रकरणात पोलिसांनी दोघांना मध्य प्रदेश सीमेवरून अटक केली आहे.

छत्रपती संभाजीनगर जिल्ह्यातील वैजापूरच्या महिला कीर्तनकार संगीता पवार यांच्या हत्येचा उलगडा ग्रामीण पोलिसांनी केला आहे. संतोष उर्फ भायला जगन चौहान आणि अनिल उर्फ हावडा नारायण विलाला असे दोन आरोपीला पोलिसांनी मध्यप्रदेश सीमेवर अटक केली आहे. हे दोन्ही आरोपी चोरी करण्यासाठी मोहटा देवी मंदिरात आले होते. त्यावेळी संगीता पवार या जागे झाल्याने त्यांचा खून केला असल्याचं समोर आलंय.

दोन्ही आरोपी मध्य प्रदेशातील राहणारे आहेत. ते वैजापूर तालुक्यातील गाढे पिंपळगाव परिसरामध्ये मजुरी काम करीत होते. सद्गुरु नारायणगिरी आश्रम येथील मोहटादेवी माता मंदिरामध्ये दानपेटी, छोट्या मुर्त्या आणि इतर साहित्य असल्याचे त्यांना माहीत होते. त्यात सोने असू शकते, असा अंदाज असल्यानं चोरीच्या उद्देशाने ते कुलूप तोडत होते. त्याचवेळी बाजूच्या पत्र्याच्या शेडमध्ये सुनीता पवार या झोपलेल्या होत्या. त्या जागी झाल्याचे लक्षात आल्यानंतर मोठा दगड त्यांच्या डोक्यावर टाकून त्यांचा खून या दोघांनी केला.