मला कुठलीही हाव नाही. माझ्यावर जे आरोप केले जात आहेत, ते जर खरे असतील तर मी आता हे शिवसेना पक्षप्रमुखपद सोडायला तयार आहे, असे विधान उद्धव ठाकरे यांनी शिवसेनेच्या वर्धापनदिन सोहळ्यात केलं. शिवसैनिकांना संबोधित करताना ते बोलत होते. ही सोन्यासारखी शिवसेना मला चोर, दरोडेखोरांच्या हातात जाऊ द्यायची नाही. तुमच्यापैकी एक शिवसैनिक पुढे येऊ द्या. तो शिवसेना पक्षप्रमुख होईल, असंही ते म्हणाले.

यावेळी उद्धव ठाकरे यांनी आपल्या भाषणात शिवसैनिकांनी दिलेल्या पाठिंब्याबद्दल कृतज्ञता व्यक्त करत सांगितले की, आज पर्यंत तुम्ही मला जपले, त्यामुळेचे मी इथपर्यंत आलो आहे. मला नाटक करता येत नाही. काही मिळवायचे असते तर मी आधीच वेगळा मार्ग निवडला असता. ठाकरे पुढे म्हणाले की, गेल्या 10-12 वर्षांपासून त्यांनी पक्षाची धुरा सांभाळली असून अनेक संकटांचा सामना केला आहे. मी पळणारा नाही, खचणारा नाही. वादळं आली तरी मी पहाडासारखा उभा राहीन, असा निर्धार त्यांनी व्यक्त केला.

ही सोन्यासारखी शिवसेना चोरांच्या किंवा दरोडेखोरांच्या हातात जाऊ देणार नाही. तसेच, मला कोणत्याही पदाची हाव नाही. तुमच्यापैकी एखादा शिवसैनिक पुढे आला, तर तोही पक्षप्रमुख होऊ शकतो, असे म्हणत त्यांनी कार्यकर्त्यांवर विश्वास दाखवला.