रोहित कदम, साम टीव्ही
अयोध्येतील राम मंदिर देणगी अपहाराच्या मुद्द्यावरून ठाकरेसेना आक्रमक झाली असून राज्यभरात रामरक्षा आंदोलन करण्यात येतंय. मुंबईनंतर आता नागपुरात उद्धव ठाकरेंच्या नेतृत्वात रामरक्षा आंदोलन करण्यात येणार आहे. मुख्यमंत्री देवेंद्र फडणवीसांच्या नागपुरातील निवासस्थानाजवळ उद्धव ठाकरे रामरक्षा पठण करणार आहेत. भाजपनं मात्र नागपुरात होऊ घातलेल्या रामरक्षा पठण कार्यक्रमावरून ठाकरेसेनेवर कुरघोडी करण्याचा प्रयत्न केलाय. ज्याठिकाणी हा कार्यक्रम आयोजित करण्यात आला होता. त्याठिकाणी भाजपनं मंडप टाकून ठेवलाय. त्यामुळे कोंडी केली जात असल्याचा आरोप राऊतांनी केलाय. तर भाजपनं त्यांच्यावर पलटवार केलाय.
सरसंघचालक मोहन भागवतांनाही रामरक्षा पठणात सहभागी होण्याचं निमंत्रण पाठवलंय. मात्र, नागपुरातील रामरक्षा आंदोलनावरून शिंदेसेना आणि ठाकरेसेना आमनेसामने आले आहेत. शिंदेसेनेचे नेते रामदास कदमांनी टीका करत उद्धव ठाकरेंना डिवचलंय. मात्र, या टीकेनंतर संतापलेल्या ठाकरेसेनेच्या नेत्यानं थेट कदमांचा बापच काढलाय...
नागपुरातलं रामरक्षा आंदोलन यशस्वी व्हावं यासाठी ठाकरेसेनेची जोरदार तयारी सुरू आहे. विदर्भात बैठकांचं सत्र सुरू आहे. त्यामुळे मुख्यमंत्र्यांच्या बालेकिल्ल्यात होणार्या या आंदोलनाकडे साऱ्या राज्याचं लक्ष लागलंय.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.