ऐकलतं... मुंबई महापालिका निवडणूक ठाकरे विरूद्ध मोदी-शाहा अशीच रंगणार असल्याचे संकेत उद्धव ठाकरेंच्या निर्धार मेळाव्यातून मिळाले आहेत. ठाकरेंच्या निर्धार मेळाव्याच्या दिवशीच योगायोगानं भाजप प्रदेश कार्यालयाच्या भूमिपूजन अमित शाहांच्या हस्ते झालं. आणि याचंच निंमित्त साधून ठाकरेंनी मुंबई महापालिका निवडणुकीसाठी मराठी विरूद्ध गुजरातीचा अजेंडा सेट करण्याचा प्रयत्न केला. आणि त्यातूनच त्यांनी मोदी-शाहांवर निशाणा साधला.

उद्धव ठाकरेंच्या या जहरी टीकेला महायुतीच्या नेत्यांनीही सडेतोड उत्तर दिलंय...विशेष म्हणजे ठाकरेंविरोधात भाजपपेक्षा अधिक आक्रमक भूमिका शिंदेंनी घेतली आणि ठाकरेंवरच जोरदार हल्लाबोल केला.

आधीच मुंबई महापालिका जिंकण्यासाठी भाजपनं कंबर कसलीय....त्यासाठी भाजपनं मित्रपक्षांसोबतही जुळवून घेण्याचे प्रयत्न केले आहेत. तर दुसरीकडे मुंबईचा बालेकिल्ला राखण्यासाठी ठाकरे बंधूही एकत्र आले आहेत. मात्र भाजप विरूद्ध ठाकरेसेनेपेक्षा हा लढा ठाकरे बंधू विरूद्ध मोदी-शाह असाच रंगणार असल्याचं दिसतंय.