राम मंदिरातील पैशांच्या चोरीवरून देशात राजकारण तापलेलं असताना आता महाराष्ट्रातही या चोरीचे पडसाद उमटलेत...विरोधकांनी राम मंदिरातील चोरी प्रकरणावरून भाजपला घेरण्याचा प्रयत्न केलाय... राम मंदिरातल्या चोरीचा मुद्दा देशभरात गाजतोय. त्यामुळे भाजपला घेरण्यासाठी उद्धव ठाकरेंनी फुटीर खासदारांच्या मतदारसंघातल्या दौऱ्यात याच मुद्द्याला हात घातलाय. भाजपमुक्त राम हवा, अशा शब्दात हल्लाबोल केलाय. इतकचं नव्हे तर राज्यात राम मंदिरातील चोरीविरोधात आंदोलन उभारणार असल्याची घोषणाही ठाकरेंनी केलीय.

तर मतदारांनी आधीच महाराष्ट्र ठाकरेमुक्त केल्याचा पलटवार मंत्री गिरीश महाजनांनी केलाय.

उद्धव ठाकरेंच्या या 'भाजपमुक्त राम' मोहिमेच्या घोषणेमुळे महाराष्ट्राच्या राजकारणात हिंदुत्वाच्या मुद्द्यावरून नवा संघर्ष पेटण्याची शक्यता आहे. राम मंदिर आंदोलनापासून मंदिर निर्माणापर्यंत भाजपनं नेहमीच आक्रमक पवित्रा घेतलाय...अशातच विरोधकांनी 1400 कोटी रुपयांची चोरी राम मंदिरात झाल्याचा आरोप केल्यानं एकच खळबळ माजलीय... त्यात राम मंदिराच्या मुद्द्यावरूनच ठाकरेंनी भाजपला घेरल्यानं पुन्हा हिंदुत्त्वाच्या मुद्दयावरून राजकारण पेटण्याची शक्यता आहे.