सातारा : सातारा पालिकेच्या अंतर्गत येणा-या विविध विकासकामांचा धडाका खासदार उदयनराजे भाेसले यांनी लावला आहे. दूसरीकडे आश्वासनांची पुर्तता करण्यासाठी वर्ष लागतात असा टाेला नुकताच उदयनराजेंना आमदार शिवेंद्रसिंहराजे भाेसले यांनी लगावला. सातारा पालिकेत आमदार शिवेंद्रसिंहराजे भाेसले हे तुमच्या समवेत असणार का असा प्रश्न विचारला असता खासदार उदयनराजे म्हणाले साता-याची जनता माझ्यासमवेत आहे, काेणी असाे अथवा नसाे. त्यामुळे आगामी काळातील सातारा पालिकेच्या निवडणुकीत दाेन्ही राजेंच्या udayanraje bhosale shivendraraje bhosale आघाडी एकत्र लढणार की नाही याची उत्सुकता नारिकांना लागून राहिली आहे.

सातारा शहरातील विविध भागातील रस्त्यांच्या कामाचा भूमिपूजन समारंभ आज (बुधवार) खासदार उदयनराजे भाेसले यांच्या हस्ते झाला. यावेळी पालिकेचे उपाध्यक्ष मनाेज शेंडे, नगरसेवक बाळासाहेब ढेकणे, माजी उपाध्यक्ष नगरसेवक राजू भाेसले यांच्यासह सातारा विकास आघाडीचे नगरसेवक, नगरसेविका ,ग्रामस्थ, महिला, जेष्ठ नागरिक, युवा कार्यकर्ते उपस्थित होते.

दरम्यान कर्मवीर भाऊराव पाटील यांच्या जयंती निमित्त आज खासदार उदयनराजे भाेसले यांनी रयत शिक्षण संस्था येथील कर्मवीर भाऊराव पाटील यांच्या स्मृतीस्थळी जाऊन कर्मवीर भाऊराव पाटील यांना अभिवानद केले. शिक्षणाची ज्ञानगंगा जन सामान्यांपर्यंत पोहचवणारे कर्मवीर अण्णांनी लावलेल्या रयत शिक्षण संस्थारुपी रोपट्याचा आज विशाल वटवृक्ष झाला आहे अशी भावना व्यक्त केली.

edited by : siddharth latkar