सातारा: भाजपचे खासदार उदयनराजे भोसले (Udayanraje Bhosale) हे आपल्या आगळ्या-वेगळ्या स्टाईलने सतत चर्चेत असतात. त्यांची कॉलर उडवण्याची स्टाईल तर त्याच्या समर्थकांना भुरळ पाडते. मात्र, अनेकदा यामुळे त्यांच्यावर टीकाही होत असते. यंदाही त्यांच्या अशाच एका कृत्यामुळे त्यांच्यावर टीका होत आहे. एका कार्यकर्त्याच्या डॉल्बी सिस्टमचे (लाऊडस्पीकर) उद्धाटन करताना उदयनराजेंनी कॉलर उडवत प्रशासनाला एक प्रकारे ओपन चॅलेंज दिले आहे. (Udayanraje Bhosle Latest News)

हे देखील पाहा -

सातारा (Satara) जिल्हा पोलिसांनी डॉल्बीला बंदी असल्याचे सांगितले आहे. मात्र, खासदार उदयनराजेंनी समर्थकांच्या डॉल्बी सिस्टीमचे उद्घाटन करताना कॉलर उडवून प्रशासनाला एक प्रकारे चॅलेंजच दिले आहे. खासदार उदयनराजे भोसले यांनी उत्सव काळात डॉल्बीबंदी उठवली पाहिजे असं सांगत डॉल्बी वाजलीच पाहिजे असा इशाराच प्रशासनाला दिला आहे. डॉल्बी सिस्टीम वाजवण्यावर बंदी असल्याने सिस्टीम मालक आर्थिक संकटात सापडले असल्याचे ते म्हणाले होते. सातारा नगरपालिकेचे माजी उपनगराध्यक्ष मनोज शेंडे यांनी लाखो रुपयांची डॉल्बी सिस्टीम विकत घेतली असून याचे उद्घाटन खासदार उदयनराजे भोसले यांच्या करण्यात आले.

यावेळी उदयनराजेंच्या नावाने तयार करण्यात आलेले गाणे डॉल्बी सिस्टीमवर लावण्यात आले होते. उदयनराजेंनी डॉल्बीच्या तालावर थिरकत आपल्या नेहमीच्या स्टाईलमध्ये फ्लाईंग किस देत हातवारे करत कॉलर उडवून प्रशासनाला एक प्रकारे इशाराच दिला आहे.

Edited By - Akshay Baisane