Satara : रयत शिक्षण संस्थेचे नाव बदलून पवार शिक्षण संस्था करा असा टाेला खासदार उदयनराजे भाेसले (udayanraje bhosale) यांनी आज (साेमवार) सातारा येथे लगावला आहे. रयत शिक्षण संस्थेच्या (rayat shikshan sanstha) मुख्य कार्यालयासमाेर एक आंदाेलन सुरु आहे. त्यावर माध्यमांशी उदयराजेंना छेडलं असता त्यांनी अण्णांच्या हेतूला बाधा पाेहचत आहे असे म्हटलं. राजघराण्यानं रयतला जागा दिली. ज्यांचा काही याेगदान नाही अशा लाेकांना रयतमध्ये घेतलं जातं असेही राजेंनी नमूद केले. (Breaking Marathi News)

उदयनराजे म्हणाले राजमाता सुमित्राराजे भाेसले यांनी रयत शिक्षण संस्थेला जागा दिली. त्यावेळीस मी लहान हाेताे. अण्णा (कर्मवीर भाऊराव पाटील) आणि आज्जी (सुमित्राराजे) हे नेहमी समाजासाठी कार्यरत हाेते. ही गाेष्ट नेहमी माझ्या कानावर पडत असतं. आज या संस्थेचा पुर्वीचा हेतु राहिला आहे असं वाटत नाही.

रयतमध्ये राजकारण येऊ नये यासाठी राज्याचे मुख्यमंत्री हे पदसिद्ध असावेत असं हाेते. मग असं काय झालं आणि अचानक बदल झाला आणि हे त्यात आले. काही लाेकांना सवय लागली आहे. हे माझं, तुझं ते माझं, माझं ते माझं सगळं माझं, त्याचं ते माझं अहाे पण किती. ज्यांचे याेगदान नाही त्यांना तुम्ही घेताय. मी म्हणताे मला घेऊ नका. पण हे घेणारे काेण. काेण हे. आम्ही दिले आहे. यांनी काय केलं दिलं नाही फाेडलंय. रयतचं नाव बदलून टाका. रयत म्हणजे सर्वसामान्यांची संस्था.

ज्या कुटुंबाची संख्या जास्त त्यांचे नाव द्या. संख्या जास्त काेणाची आहे. पवार कुटुंबियांची. मग करा पवार शिक्षण संस्था असेही उदयनराजेंनी नमूद केले.

Edited By : Siddharth Latkar