मतदारसंघ कुणाला सोडायचा, कोण उमेदवार असेल हे मुख्यमंत्री एकनाथ शिंदे, भाजपमधून देवेंद्र फडणवीस आणि राष्ट्रवादीकडून अजित पवार हे ठरवतात. लोकशाहीमध्ये कोणालाही कुठलाही मतदारसंघ मागण्याचा अधिकार आहे. मी महायुतीतला एक जबाबदार मंत्री आहे, त्यामुळे मला यातून वाद वाढवायचा नाही अशी प्रतिक्रिया उद्याेग मंत्री उदय सामंत यांनी राणे बंधूंच्या रत्नागिरी, राजापूर मतदारसंघ मागणीवर केली.

आमदार नितेश राणे यांनी नारायण राणे खासदार हाेताच रत्नागिरी मतदारसंघावर दावा केला. उद्याेगमंत्री उदय सामंत यांच्‍या रत्‍नागिरी मतदारसंघावर दावा केल्यानंतर माजी खासदार निलेश राणे यांनी राजापूर मतदारसंघावर दावा ठाेकला. राणे बंधूंच्या या भूमिकेमुळे शिवसेना शिंदे गटाचे समर्थकांसह आमदार भरत गाेगावले आक्रमक झाले. परंतु दूसरीकडे उद्याेग मंत्री उदय सामंत यांनी संयमाची भूमिका घेतली.

उदय सामंत म्हणाले मी नितेश राणेंचा यांच्या मताचा आदर करतो. त्याचा आदर करायचा की नाही हे नेते मंडळी ठरवतील. आम्ही प्रामाणिकपणे काम करतो. त्यामुळे मला कोणाच्याही सर्टिफिकेटची आवश्यकता नाही असेही सामंतांनी नितेश राणेंना टाेला हाणला.

Edited By : Siddharth Latkar