- सागर निकवाडे

Nandurbar News : नंदुरबार जिल्ह्यातील शहादा तालुक्यातील डोंगरगाव रस्त्यावर झालेल्या कारच्या अपघातात दोन जण ठार झाले आहेत. हा अपघात इतका भीषण हाेता की कारचा संपुर्णत: चक्काचूर झाला आहे. (Maharashtra News)

या अपघाताबाबत मिळालेल्या प्राथमिक माहितीनूसार या कारच्या चालकाचे कारवरील नियंत्रण सुटल्याने कार पलटी झाली. त्यानंतर एका झाडाला जाऊन जोरदार धडकली. त्यामुळे कारचे माेठे नुकसान झाले. पाेलिसांकडून मिळालेल्या प्राथमिक माहितीनूसार या अपघातात दाेन जण ठार झाले आहेत. हे दोघे शहादा तालुक्यातील रहिवासी आहेत.

घटनास्थळ आणि पाेलिसांनी दिलेल्या माहितीनूसार अमरसिंग धनसिंग गिरासे आणि विजय श्रावण सोनवणे हे दाेघे युवक कारने डोंगरगावकडून शहाद्याकडे निघाले हाेते. चालकाचे कारवरील नियंत्रण सुटल्याने कारने तीन पलटी घेतल्या तसेच रस्त्याच्या विरुद्ध दिशेला झाडाला जबरदस्त ठोकर मारली. यामध्ये अमरसिंग (दराने रोहाने हल्ले मुक्काम लोणखेडा) व विजय याचा मृत्यू झाला.

Edited By : Siddharth Latkar