बालाजी सुरवसे, साम टीव्ही

धाराशिवच्या उमरगा शहरातील बायपास रोड परिसरात मंगळवारी दुपारच्या सुमारास एक भीषण अपघाताची घटना घडली. तुळजापूर येथे देवीचे दर्शन करून हैदराबादकडे परत जात असताना कारचा भीषण अपघात घडला. चालकाचा ताबा सुटल्याने कार रस्त्यालगत असलेल्या पत्र्याच्या चहाच्या हॉटेलमध्ये घुसली. या अपघातात दोन जणांचा जागीच मृत्यू झाला.

उमरगा येथे झालेल्या भीषण अपघातात हॉटेलमध्ये चहा घेत बसलेल्या दोन जणांचा जागीच मृत्यू झाला.तर एकाची प्रकृती गंभीर असल्याची माहिती मिळत आहे. कार अतिवेगात असल्यामुळे चालकाला वाहनावर नियंत्रण ठेवता आले नाही. त्यामुळे कार थेट हॉटेलमध्ये घुसली.

अपघात इतका भीषण होता की, परिसरात एकच खळबळ उडाली. या अपघातानंतर घटनास्थळी मोठी गर्दी जमली. अपघातानंतर स्थानिक नागरिकांनी तत्काळ मदतकार्य सुरू केले. जखमी व्यक्तीला तातडीने जवळच्या रुग्णालयात उपचारासाठी दाखल करण्यात आले आहे.

या घटनेची माहिती मिळताच पोलिस घटनास्थळी दाखल झाले. पोलिसांनी रस्त्यावर झालेली वाहतूक कोंडी सुरळीत केली. तसेच दोघांचे मृतदेह रुग्णालयात पाठवले. या अपघातात दोघांच्या मृत्यूने उमरगा परिसरात हळहळ व्यक्त केली जात आहे.

अज्ञात वाहनाच्या धडकेत युवकाचा जागीच मृत्यू

शिक्रापूरच्या पुणे-नगर रोडवर भीषण अपघातात झाला. या अपघातात ४४ वर्षीय महेश भगत यांचा अपघातात मृत्यू झाला. रात्री २ वाजेच्या सुमारास नगर-पुणे रस्त्यावरून एका समोरील दुभाजकावर वळण घेताना त्यांच्या दुचाकीला मागून आलेल्या १७ सीटर वाहनाची जोरदार धडक बसली. ही धडक एवढी भीषण होती की, दुचाकी चालक अक्षरशः काही अंतरावर रस्त्याने घासत समोर गेला. अपघाताची ही घटना सीसीटीवी कॅमेऱ्यात कैद झाली आहे. अपघातानंतर स्थानिक नागरिकांनी घटनास्थळी धाव घेऊन तात्काळ जखमींना हॉस्पिटमध्ये दाखल कले. परंतु उपचारापूर्वीच त्यांचा मृत्यू झाला.